Foto: Gov.kz
2025 jyldyń 24 sáýirinde «Áziret Sultan» Ulttyq tarihi-mádeni mýzei-qoryǵynda Qoja Ahmet Iasaýi kesenesinde saqtalǵan qabirhananyń oiýly aǵash esigi tanystyryldy, dep habarlaidy Ult.kz.
Mýzei qyzmetkerleri kópshilikke esikti restavratsiialaý kezeńderi jaily áńgimelep, qalpyna keltirý jumystaryna toqtaldy, sonymen qatar esiktegi jazbalardyń maǵynasyn da túsindirdi.
2018 jyldan beri eki jyl júrgizilgen ǵylymi-zertteý nátijesi boiynsha XIV ǵasyrdan saqtalyp kelgen qasietti esik kónerip, óńi syr bere bastaǵan. Soǵan bailanysty 2021 jyly esik qalpyna keltirý laboratoriiasyna restavratsiia-konservatsiia jumystary úshin jiberilgen bolatyn. Bul joba barysynda 3D-skanerleý, rentgenografiia jáne neitrondy tomografiia siiaqty zamanaýi tehnologiialar qoldanyldy.
Bes jyl boiǵy qaita qalpyna keltirý jumystarynyń nátijesinde, esik ǵasyrlar boiy qordalanyp qalǵan shań-tozańnan, ziiankesterden tazartyldy. Bul qasietti esiktiń áli uzaq saqtalýyna sep bolyp, osy ýaqytqa deiingi belgisiz jazýlardy da oqýǵa múmkindik berip otyr.
Restavratsiialaýdan ótken qabirhana esigi Túrkistanǵa qaitarylyp, «Áziret Sultan» Ulttyq tarihi-mádeni mýzei qoryǵynda sirek jádigerler mýzeiiniń ekspozitsiiasyna qoiyldy.
