Almatylyq "Qairat" ÝEFA Konferentsiia ligasy toptyq kezeńiniń 2-týrynda jeńilip qaldy, - dep habarlaidy Tengrinews.kz.
"Qairat" bul týrda shveitsariialyq "Bazelge" qonaqqa barǵan. Match alań ieleriniń paidasyna 4:2 esebimen aiaqtaldy.
"Bazel" almatylyqtar qaqpasyna qatarynan tórt gol saldy. Birinshi taimda Artýr (15-minýtta) men Maikl Lang (21 men 40-minýtta) kózge tústi. Úzilisten keiin Den Ndoie (49-minýtta) komandasynyń tórtinshi golyn saldy.
Keiin almatylyqtar buǵan eki golmen jaýap qata aldy. 66-minýtta Kante gol soqsa, eki minýttan soń Rikardý Alvesh penaltiden gol saldy.
Endi "Qairat" Konferentsiia ligasyndaǵy kelesi matchin 21 qazanda ázerbaijandyq "Karabahpen" kezdesedi.
Eske salaiyq, "Qairat" týrnirdiń 1-týrynda óz alańynda kiprlik "Omoniiamen" 1:1 esebimen teń túsken edi.
