Sybailas jemqorlyqqa qarsy qyzmet Qairat Satybaldyulyna, onyń burynǵy áieli Gúlmira Satybaldyǵa jáne basqa da tulǵalarǵa reiderlik jolmen biznesti tartyp alý deregi boiynsha sotqa deiingi tergeý amaldaryn bastady. Bul týraly vedomstvonyń baspasóz qyzmeti habarlady.
"Osy jyldyń 16 naýryzynda G.Satybaldy Qazaqstan Qylmystyq-protsestik kodeksiniń 128-babyna sáikes ustalyp, Nur-Sultan qalasyndaǵy ýaqytsha ustaý izoliatoryna qamaldy. Ózge málimetter tergeý múddesi úshin jariia etilmeidi", - delingen habarlamada.
Aita keteiik, 13 naýryzda sybailas jemqorlyqqa qarsy qyzmet Qairat Satybaldyulynyń ustalǵany týraly aqparat taratty. Ol "Qazaqtelekom" AQ-nyń qarajatyn asa iri kólemde jymqyrǵany úshin aiyptalyp otyr. Sondai-aq memleket qaýipsizdigine nuqsan keltiretin basqa da qylmystarǵa qatysy bar-joǵy tekserilip jatyr.
Qairat Satybaldyuly Almaty oblysynyń aýmaǵynda ustaldy. Ol Dýbaiǵa ushyp ketpek bolǵan.
