سىبايلاس جەمقورلىققا قارسى قىزمەت قايرات ساتىبالدىۇلىنا, ونىڭ بۇرىنعى ەيەلٸ گٷلميرا ساتىبالدىعا جەنە باسقا دا تۇلعالارعا رەيدەرلٸك جولمەن بيزنەستٸ تارتىپ الۋ دەرەگٸ بويىنشا سوتقا دەيٸنگٸ تەرگەۋ امالدارىن باستادى. بۇل تۋرالى ۆەدومستۆونىڭ باسپاسٶز قىزمەتٸ حابارلادى.
"وسى جىلدىڭ 16 ناۋرىزىندا گ.ساتىبالدى قازاقستان قىلمىستىق-پروتسەستٸك كودەكسٸنٸڭ 128-بابىنا سەيكەس ۇستالىپ, نۇر-سۇلتان قالاسىنداعى ۋاقىتشا ۇستاۋ يزولياتورىنا قامالدى. ٶزگە مەلٸمەتتەر تەرگەۋ مٷددەسٸ ٷشٸن جارييا ەتٸلمەيدٸ", - دەلٸنگەن حابارلامادا.
ايتا كەتەيٸك, 13 ناۋرىزدا سىبايلاس جەمقورلىققا قارسى قىزمەت قايرات ساتىبالدىۇلىنىڭ ۇستالعانى تۋرالى اقپارات تاراتتى. ول "قازاقتەلەكوم" اق-نىڭ قاراجاتىن اسا ٸرٸ كٶلەمدە جىمقىرعانى ٷشٸن ايىپتالىپ وتىر. سونداي-اق مەملەكەت قاۋٸپسٸزدٸگٸنە نۇقسان كەلتٸرەتٸن باسقا دا قىلمىستارعا قاتىسى بار-جوعى تەكسەرٸلٸپ جاتىر.
قايرات ساتىبالدىۇلى الماتى وبلىسىنىڭ اۋماعىندا ۇستالدى. ول دۋبايعا ۇشىپ كەتپەك بولعان.
