Qairat Satybaldyuly jazasyn Shyǵys Qazaqstan oblysyndaǵy koloniiada óteitin boldy, - dep habarlaidy Massaget.kz.
26 qyrkúiek Astana qalasy Baiqońyr aýdanynyń №2 soty Satybaldyulyn alty jylǵa bas bostandyǵynan aiyrǵan bolatyn.
Úkim jariialanǵannan keiin 15 kún ishinde sottalýshy nemese onyń qorǵaýshylary sot sheshimine shaǵymdanbasa, ol Shyǵys Qazaqstanda ornalasqan OV-156/20 koloniiasyna aýystyrylady.
"Bul mekeme arnaýly jáne quqyq qorǵaý organdarynyń burynǵy qyzmetkerlerine arnalǵan. OV-156/20 qylmystyq-atqarý júiesiniń ortasha qaýipsizdiktegi mekemesi", - dep habarlady QR IIM TJK baspasóz qyzmeti.
Vedomstvo málimetinshe, sottalǵan Qairat Satybaldyuly aýystyrylǵanǵa deiin Astanadaǵy tergeý izoliatorynda bolady.
"Sottalýshy apelliatsiialyq shaǵym túsirse, ony qaraý merzimine deiin tergeý izoliatorynda qalady", - dep tolyqtyrdy vedomstvo ókili.
Sondai-aq, Satybaldyuly jazasyn óteý úshin mekemege kelgen 15 kúnnen keiin týystarymen kezdesýge ótinish bere alatyny belgili boldy.
