«Qairat» pen madridtik «Real» oiyny: qaýipsizdikke 2,5 myń politsiia jumyldyrylady

Foto: Zakon.kz

Búgin Almatyda kópten kútken halyqaralyq fýtbol matchy ótedi. ÝEFA aiasyndaǵy bul kezdesýde qazaqstandyq «Qairat» klýby áigili madridtik «Realǵa» qarsy alańǵa shyǵady, dep habarlaidy Ult.kz.

Qala turǵyndary úshin úlken sport merekesine ainalatyn match kezinde qaýipsizdikke erekshe kóńil bólinedi. Qoǵamdyq tártipti saqtaý men jol qozǵalysyn retteýge 2,5 myńnan astam politsiia qyzmetkeri jumyldyrylmaq.

Match ótetin kúni qalada kólik qozǵalysyna ishinara shekteýler engiziledi. Politsiia turǵyndar men qonaqtarǵa baǵyttaryn aldyn ala josparlaýǵa keńes beredi.

Almaty politsiia departamenti jankúierlerge mádenietti qoldaý kórsetýge shaqyrdy:

«Komandany qoldańyzdar, biraq mádenietti túrde. Qalamyzdy taza ustaiyq, bir-birimizge jáne qonaqtarǵa qurmetpen qaraiyq. Bul Almaty men elimizdiń imidjine oń yqpal etedi», – delingen resmi habarlamada.