- Joǵarǵy Sot tóraǵasy Qairat Mámi Palodar oblystyq soty tóraǵasy Muxtar Smaǵulovtyń jumysyn synǵa aldy, dep xabarlaidy Ult.kz tilshisi QazAqparat agenttigine silteme jasap.
"Pavlodar oblysynyń aýyldary men Aqsý qalasynda turatyn bir top azamat Joǵarǵy Sot pen ortalyq memlekettik organdarǵa aryz-shaǵymdardy úiip tastady. Joǵarǵy Sottyń ózine 20-ǵa tarta shaǵym keldi. Sonyń ishinde Prezident Ákimshiligine kelgen aryzdar da bar. Memleket Basshysynyń atyna birneshe ret aryzdanyp kelgen. Basty sebep Mútkenov aýylyndaǵy qariialardyń daý-damaiy bolyp otyr", - dedi Mámi.
Másele olardyń orys tilin túsinbeitindiginde, al qazaq tilin biletin sýdia oblysta joq bolyp shyqqan.
"Aýdanda eki sýdia bar, ekeýi de orys tildi, qazaqshalary saýatsyz. Oblystyq sot tóraǵasy Smaǵulov jazý bile ma, oqi alady ma? Bar ma ózi? Tiri ma ol? degen xattar legi taýsylar emes", - dedi ol turǵyndardyń xatyn keltirip.
Osydan soń, Joǵarǵy Sot tóraǵasy óńirdegi sot tóraǵalaryna xalyqpen tyǵyz jumys jasaýdy eskertti.
"Jeke qabyldaý ótkizýge bolmai ma? Aýyldyń 70-tegi qarttarymen osy shielenisti sheshý múmkin emes pe? Ákimdiktermen, máslixattarmen, Qazaqstan xalqy Assambleiasymen memorandým ne úshin jasaldy? Mediatsiiany ne úshin engizdik? Máseleni jeke sheshýge bolmasa, ákimdiktermen birge kúsh biriktirý qajet. Jergilikti aqsaqaldardy kóterińizder. Ózderiń qazaqsha sóilei almasańdar, sizderdiń qazaq tilin biletin orynbasarlaryń, qol astyndaǵy sýdialaryń bar. Bul jumys sizderde oryndalmaǵan. Endi aldymyzda turyp, bizden aqtalmaqsyńdar", - dep shúilikti Q. Mámi.
Onyń aitýynsha, xalyqtyń aryzdary oblystyq sotqa 2 jeltoqsanda joldanǵan. Alaida sodan beri eshqandai shara qoldanylmaǵan.
"Sizder halyq aryzy túgili, Joǵarǵy Sottyń xattaryn oqymaityn shyǵarsyzdar. Jumysqa barasyzdar ma ózi? Halyq ózderi (kinálini - red.) jazaǵa tartqanyn kútip otyrsyzdar ma? Barlyq elge taǵy ataǵymyz shyǵady ǵoi, sol kezde ǵana qozǵalatyn shyǵarmyz. Bul kikiljińdi tolyqtai sheshýge 10 kún beremin", - dep kesti Joǵarǵy Sot tóraǵasy.
