- جوعارعى سوت تٶراعاسى قايرات مەمي پالودار وبلىستىق سوتى تٶراعاسى مۇxتار سماعۇلوۆتىڭ جۇمىسىن سىنعا الدى, دەپ xابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
"پاۆلودار وبلىسىنىڭ اۋىلدارى مەن اقسۋ قالاسىندا تۇراتىن بٸر توپ ازامات جوعارعى سوت پەن ورتالىق مەملەكەتتٸك ورگاندارعا ارىز-شاعىمداردى ٷيٸپ تاستادى. جوعارعى سوتتىڭ ٶزٸنە 20-عا تارتا شاعىم كەلدٸ. سونىڭ ٸشٸندە پرەزيدەنت ەكٸمشٸلٸگٸنە كەلگەن ارىزدار دا بار. مەملەكەت باسشىسىنىڭ اتىنا بٸرنەشە رەت ارىزدانىپ كەلگەن. باستى سەبەپ مٷتكەنوۆ اۋىلىنداعى قارييالاردىڭ داۋ-دامايى بولىپ وتىر", - دەدٸ مەمي.
مەسەلە ولاردىڭ ورىس تٸلٸن تٷسٸنبەيتٸندٸگٸندە, ال قازاق تٸلٸن بٸلەتٸن سۋديا وبلىستا جوق بولىپ شىققان.
"اۋداندا ەكٸ سۋديا بار, ەكەۋٸ دە ورىس تٸلدٸ, قازاقشالارى ساۋاتسىز. وبلىستىق سوت تٶراعاسى سماعۇلوۆ جازۋ بٸلە ما, وقي الادى ما? بار ما ٶزٸ? تٸرٸ ما ول? دەگەن xاتتار لەگٸ تاۋسىلار ەمەس", - دەدٸ ول تۇرعىنداردىڭ xاتىن كەلتٸرٸپ.
وسىدان سوڭ, جوعارعى سوت تٶراعاسى ٶڭٸردەگٸ سوت تٶراعالارىنا xالىقپەن تىعىز جۇمىس جاساۋدى ەسكەرتتٸ.
"جەكە قابىلداۋ ٶتكٸزۋگە بولماي ما? اۋىلدىڭ 70-تەگٸ قارتتارىمەن وسى شيەلەنٸستٸ شەشۋ مٷمكٸن ەمەس پە? ەكٸمدٸكتەرمەن, مەسليxاتتارمەن, قازاقستان xالقى اسسامبلەياسىمەن مەموراندۋم نە ٷشٸن جاسالدى? مەدياتسييانى نە ٷشٸن ەنگٸزدٸك? مەسەلەنٸ جەكە شەشۋگە بولماسا, ەكٸمدٸكتەرمەن بٸرگە كٷش بٸرٸكتٸرۋ قاجەت. جەرگٸلٸكتٸ اقساقالداردى كٶتەرٸڭٸزدەر. ٶزدەرٸڭ قازاقشا سٶيلەي الماساڭدار, سٸزدەردٸڭ قازاق تٸلٸن بٸلەتٸن ورىنباسارلارىڭ, قول استىنداعى سۋديالارىڭ بار. بۇل جۇمىس سٸزدەردە ورىندالماعان. ەندٸ الدىمىزدا تۇرىپ, بٸزدەن اقتالماقسىڭدار", - دەپ شٷيلٸكتٸ ق. مەمي.
ونىڭ ايتۋىنشا, xالىقتىڭ ارىزدارى وبلىستىق سوتقا 2 جەلتوقساندا جولدانعان. الايدا سودان بەرٸ ەشقانداي شارا قولدانىلماعان.
"سٸزدەر حالىق ارىزى تٷگٸلٸ, جوعارعى سوتتىڭ xاتتارىن وقىمايتىن شىعارسىزدار. جۇمىسقا باراسىزدار ما ٶزٸ? حالىق ٶزدەرٸ (كٸنەلٸنٸ - رەد.) جازاعا تارتقانىن كٷتٸپ وتىرسىزدار ما? بارلىق ەلگە تاعى اتاعىمىز شىعادى عوي, سول كەزدە عانا قوزعالاتىن شىعارمىز. بۇل كيكٸلجٸڭدٸ تولىقتاي شەشۋگە 10 كٷن بەرەمٸن", - دەپ كەستٸ جوعارعى سوت تٶراعاسى.
