Belgili kásipker, Almaty qalalyq máslihatynyń depýtaty Qairat Qudaibergendi qamaý merzimi eki aiǵa uzartyldy, dep habarlaidy "Ult aqparat".
«Sot qaýlysymen tergep-tekserý organynyń 2 ai merzimge kúzetpen ustaý túrindegi bultartpaý sharasyn qoldanýǵa sanktsiia berý týraly ótinishhaty qanaǵattandyryldy. Qamaý merzimi 2022 jyldyń 21 maýsymyna deiin uzartyldy», - delingen Almaty qalalyq sotynyń baspasóz qyzmetiniń habarlamasynda.
Aita keteiik, 22 sáýirde ustalǵan Qairat Qudaibergenge qatysty áreketti saralaý týraly qaýly shyqqanǵa deiin ony 30 táýlik merzimge kúzetpen ustaý túrindegi bultartpaý sharasyna sanktsiia berilgen edi.
Keiinirek Bas prokýratýra Almaty qalasy máslihatynyń depýtaty Qairat Qudaibergenniń qańtar oqiǵasynyń isi boiynsha ustalǵanyn rastady.
Kásipker "qylmys áleminiń serkesi" Dikii Armanmen birge adam jinaýdy uiymdastyrǵan.
