AQSh Memlekettik hatshysy Maikl Pompeonyń shaqyrýymen Syrtqy ister ministri Qairat Ábdirahmanov Dini senim bostandyǵyn nasihattaý jónindegi birinshi ministrlik konferentsiiaǵa qatysý maqsatynda Vashington qalasyna bardy. Bul týraly SIM baspasóz qyzmeti habarlaidy.
Konferentsiia qarsańynda, iaǵni 25 shildede Q.Ábdirahmanov AQSh Memlekettik departamentiniń basshylyǵymen, sonyń ishinde Memlekettik hatshynyń birinshi orynbasary Djon Sallivan jáne 1990-shy jyldardyń ekinshi jartysynda AQSh senatory retinde Jibek joly strategiiasy formatynda yntymaqtastyqty damytýǵa qatysty bastama kótergen, Dini bostandyq jónindegi elshisi Sem Braýnbektyń qatysýymen birqatar kezdesýler ótkizdi.
Diplomattar Qazaqstan-AQSh qatynastary joǵary qarqynmen damyp otyrǵanyn, sondai-aq Prezident Nursultan Nazarbaevtyń 2018 jylǵy qańtardaǵy Vashingtonǵa jasaǵan resmi saparynyń qorytyndysy boiynsha qol jetkizilgen ýaǵdalastyqtardyń júzege asyrylý barysyn atap ótti. Taraptar Qazaqstan men AQSh arasyndaǵy saiasi jáne saýda-ekonomikalyq yntymaqtastyqty keńeitýge erekshe nazar aýdardy.
Sol kúni ministr Q.Ábdirahmanov amerikandyq jetekshi kompaniialar men korporatsiialardyń basshylyǵymen kezdesip, olardy Qazaqstanda búgingi kúni biznes júrgizý úshin jasalyp jatqan jańa qolaily jaǵdailarmen tanystyrdy. Kelisimderdiń joǵary deńgeide, Qazaqstan jáne AQSh Prezidentteri arasynda tabysty júzege asyrylýy arqasynda, iskerlik belsendiliktiń, sonymen qatar Qazaqstan ekonomikasyna amerikandyq investitsiialardyń kelýiniń artqany atap ótildi.
Ministr Memleket basshysynyń júrgizip otyrǵan qazaqstandyq ekonomikany ártaraptandyrý saiasatyn eskere otyryp, iri joǵary tehnologiialyq jobalardy iske asyrý úshin, onyń ishinde óńdeý ónerkásibi, kólik infraqurylymy, aýyl sharýashylyǵy, bailanys jáne IT-tehnologiialardy damytý salalarynda amerikalyq tájiribe men kapitaldy aýqymdy túrde tartýǵa Qazaqstan qyzyǵýshylyq tanytyp otyrǵanyna nazar aýdardy.
Osy jáne basqa da kóptegen jobalar qazaqstandyq resmi tulǵalardyń AQSh-qa jáne amerikalyq saýda missiialarynyń Qazaqstanǵa jasaityn aldaǵy saparlary barysynda ázirlenip iske asyrylatyn bolady.
