اقش مەملەكەتتٸك حاتشىسى مايكل پومپەونىڭ شاقىرۋىمەن سىرتقى ٸستەر مينيسترٸ قايرات ەبدٸراحمانوۆ دٸني سەنٸم بوستاندىعىن ناسيحاتتاۋ جٶنٸندەگٸ بٸرٸنشٸ مينيسترلٸك كونفەرەنتسيياعا قاتىسۋ ماقساتىندا ۆاشينگتون قالاسىنا باردى. بۇل تۋرالى سٸم باسپاسٶز قىزمەتٸ حابارلايدى.
كونفەرەنتسييا قارساڭىندا, ياعني 25 شٸلدەدە ق.ەبدٸراحمانوۆ اقش مەملەكەتتٸك دەپارتامەنتٸنٸڭ باسشىلىعىمەن, سونىڭ ٸشٸندە مەملەكەتتٸك حاتشىنىڭ بٸرٸنشٸ ورىنباسارى دجون سالليۆان جەنە 1990-شى جىلداردىڭ ەكٸنشٸ جارتىسىندا اقش سەناتورى رەتٸندە جٸبەك جولى ستراتەگيياسى فورماتىندا ىنتىماقتاستىقتى دامىتۋعا قاتىستى باستاما كٶتەرگەن, دٸني بوستاندىق جٶنٸندەگٸ ەلشٸسٸ سەم براۋنبەكتىڭ قاتىسۋىمەن بٸرقاتار كەزدەسۋلەر ٶتكٸزدٸ.
ديپلوماتتار قازاقستان-اقش قاتىناستارى جوعارى قارقىنمەن دامىپ وتىرعانىن, سونداي-اق پرەزيدەنت نۇرسۇلتان نازارباەۆتىڭ 2018 جىلعى قاڭتارداعى ۆاشينگتونعا جاساعان رەسمي ساپارىنىڭ قورىتىندىسى بويىنشا قول جەتكٸزٸلگەن ۋاعدالاستىقتاردىڭ جٷزەگە اسىرىلۋ بارىسىن اتاپ ٶتتٸ. تاراپتار قازاقستان مەن اقش اراسىنداعى ساياسي جەنە ساۋدا-ەكونوميكالىق ىنتىماقتاستىقتى كەڭەيتۋگە ەرەكشە نازار اۋداردى.
سول كٷنٸ مينيستر ق.ەبدٸراحمانوۆ امەريكاندىق جەتەكشٸ كومپانييالار مەن كورپوراتسييالاردىڭ باسشىلىعىمەن كەزدەسٸپ, ولاردى قازاقستاندا بٷگٸنگٸ كٷنٸ بيزنەس جٷرگٸزۋ ٷشٸن جاسالىپ جاتقان جاڭا قولايلى جاعدايلارمەن تانىستىردى. كەلٸسٸمدەردٸڭ جوعارى دەڭگەيدە, قازاقستان جەنە اقش پرەزيدەنتتەرٸ اراسىندا تابىستى جٷزەگە اسىرىلۋى ارقاسىندا, ٸسكەرلٸك بەلسەندٸلٸكتٸڭ, سونىمەن قاتار قازاقستان ەكونوميكاسىنا امەريكاندىق ينۆەستيتسييالاردىڭ كەلۋٸنٸڭ ارتقانى اتاپ ٶتٸلدٸ.
مينيستر مەملەكەت باسشىسىنىڭ جٷرگٸزٸپ وتىرعان قازاقستاندىق ەكونوميكانى ەرتاراپتاندىرۋ ساياساتىن ەسكەرە وتىرىپ, ٸرٸ جوعارى تەحنولوگييالىق جوبالاردى ٸسكە اسىرۋ ٷشٸن, ونىڭ ٸشٸندە ٶڭدەۋ ٶنەركەسٸبٸ, كٶلٸك ينفراقۇرىلىمى, اۋىل شارۋاشىلىعى, بايلانىس جەنە IT-تەحنولوگييالاردى دامىتۋ سالالارىندا امەريكالىق تەجٸريبە مەن كاپيتالدى اۋقىمدى تٷردە تارتۋعا قازاقستان قىزىعۋشىلىق تانىتىپ وتىرعانىنا نازار اۋداردى.
وسى جەنە باسقا دا كٶپتەگەن جوبالار قازاقستاندىق رەسمي تۇلعالاردىڭ اقش-قا جەنە امەريكالىق ساۋدا ميسسييالارىنىڭ قازاقستانعا جاسايتىن الداعى ساپارلارى بارىسىندا ەزٸرلەنٸپ ٸسكە اسىرىلاتىن بولادى.
