Qazaqstan Respýblikasynyń syrtqy ister ministri Qairat Ábdirahmanov Mianmada oryn alǵan oqiǵaǵa bailanysty óz pikirin bildirdi, dep habarlaidy Ult.kz tilshisi QazAqparat agenttigine silteme jasap.
«Mianmada musylman qaýymynyń jaǵdaiyna bailanysty alańdaýshylyq bildiremiz. Bul jerdegi islamǵa keri tendentsiiany baiqap otyrmyz. Osyǵan bailanysty Islam yntymaqtastyǵy uiymy bailanys toby sekildi qurylymy Mianmadaǵy ahýaldy retteýge belsendi tartylǵany óte mańyzdy. Sonymen qatar, uiym ókilderi bul eldiń bilik tarapymen dialogta bolǵany ózekti», - dedi ministr tilshilerge bergen suhbatynda.
Sonymen qatar QR Parlamenti Senatynyń tóraǵasy Qasym-Jomart Toqaev ta Mianmadaǵy oqiǵaǵa bailanysty óz pikirin bildirdi.
«BUU tarapy Mianmadaǵy oqiǵalarǵa qatysty óziniń ustanymyn jariialaýy tiis. Sebebi jazyqsyz kóptegen musylmandar qatygezdik repressiiasynyń qurbanyna ainalýda», - dep jazdy Toqaev Twitter-degi akkaýntynda.
