قازاقستان رەسپۋبليكاسىنىڭ سىرتقى ٸستەر مينيسترٸ قايرات ەبدٸراحمانوۆ ميانمادا ورىن العان وقيعاعا بايلانىستى ٶز پٸكٸرٸن بٸلدٸردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ميانمادا مۇسىلمان قاۋىمىنىڭ جاعدايىنا بايلانىستى الاڭداۋشىلىق بٸلدٸرەمٸز. بۇل جەردەگٸ يسلامعا كەرٸ تەندەنتسييانى بايقاپ وتىرمىز. وسىعان بايلانىستى يسلام ىنتىماقتاستىعى ۇيىمى بايلانىس توبى سەكٸلدٸ قۇرىلىمى ميانماداعى احۋالدى رەتتەۋگە بەلسەندٸ تارتىلعانى ٶتە ماڭىزدى. سونىمەن قاتار, ۇيىم ٶكٸلدەرٸ بۇل ەلدٸڭ بيلٸك تاراپىمەن ديالوگتا بولعانى ٶزەكتٸ», - دەدٸ مينيستر تٸلشٸلەرگە بەرگەن سۇحباتىندا.
سونىمەن قاتار قر پارلامەنتٸ سەناتىنىڭ تٶراعاسى قاسىم-جومارت توقاەۆ تا ميانماداعى وقيعاعا بايلانىستى ٶز پٸكٸرٸن بٸلدٸردٸ.
«بۇۇ تاراپى ميانماداعى وقيعالارعا قاتىستى ٶزٸنٸڭ ۇستانىمىن جارييالاۋى تيٸس. سەبەبٸ جازىقسىز كٶپتەگەن مۇسىلماندار قاتىگەزدٸك رەپرەسسيياسىنىڭ قۇربانىنا اينالۋدا», - دەپ جازدى توقاەۆ Twitter-دەگٸ اككاۋنتىندا.
