Almatylyq "Qairat" 68 jastaǵy maman Kýrban Berdyevti klýbtyń Baqylaý keńesi tóraǵasynyń keńesshisi qyzmetine taǵaiyndady. Bul týraly quramnyń resmi saitynda jariialandy, - dep habarlaidy "Ult aqparat".
Tájiribeli maman úsh baǵytta jumys istemek: negizgi quram, klýb Akademiiasy men "Qairat" Máskeý jobasynyń jumysyn alyp júrý jáne keńes berý.
Bul jumysty atqarý úshin ol únemi Almatyǵa kelip turýy tiis bolady, sonymen qosa, jumys onlain formatta ta júredi.
Búgin Akademiianyń bapkerler quramymen kezdesý ótip, onyń barysynda Akademiianyń U-14 jáne U-15 komandalarynyń jattyǵýyna saraptama jasalǵan.
Munyń aldynda, Berdyev 33 jastaǵy Shpilevskii ornyna keletini habarlanǵan bolatyn. Qazaqstan chempiony biylǵy maýsymdy nashar bastady, komanda 13 týrda bes ret qana jeńiske jetti
Aita keteiik, Qurban Berdyev 1991 jyly Máskeýdegi joǵary jattyqtyrýshylar mektebin bitirip, eki jyl "Qairat" bas bapkeriniń kómekshisi qyzmetin atqarǵan. 1994-1995 jyldary Almaty klýbynyń bas bapkeri boldy.
