Aqtaý qalalyq sotynyń sýdiasy M.Kenjaliev oblystyq densaýlyq saqtaý basqarmasynyń eks-basshysy Maral Qadirdi 7 jyl bas bostandyǵynan aiyrýǵa úkim shyǵardy. 7 jyl! Jetim qyz, jesir əiel, jalǵyzbasty anaǵa jeti jyl!!! Al, "Astana-EKSPO" ulttyq kompaniiasynyń 214 mln qarjysyn jymqyrdy dep aiyptalǵan (erketotai balasynyń kisi óltirgen qylmysyn qospaǵanda) Q. Úsenov raqymshylyqpen bosap shyqty. Buny bir dep bilińiz. Horgos basshysy V.Ni 1 mln dollar paramen ustalyp, kózapara qutylyp ketti. Bul eki. 4 000 000 teńge para surap tutylǵan Ahmetalieva da qalalyq sottan 12 jylǵa kesilip turyp, oblystyq sottyń sheshimimen 5 jylǵa jeńildetip aldy. Jemqorlyqpen 1jyl 6 aiǵa sottalǵan Qulmaǵambetov 2000 EAK aiyppulǵa ózgertip qutyldy. Aqsha bopsalaǵan Derbisova 3 jyl merzimin shartty jazaǵa aýdaryp aldy. 1000 000 teńge bopsalaǵan Demesinova men Túlekbaeva isi de jeńil jazamen aiaqtalǵan. Al, bar-joǵy 45 000 teńgelik (300 dollar) Maral Qadirge kelgende mərtebeli sot zańqoi əm qatal!
7 jyl! Ómir boiy memqyzmetke tiym! Múligin kəmpeskeleý! Qaidasyń, soqyr Femida?! Osy aptada osy istiń úkimshisi M.Kenjaliev arnaiy brifing berdi. Sottyń ashyq ótkenin, Maraldyń jaqtastary videodəlelderdi kórip, únsiz ǵana keliskendigin aitty. Joq! Olai emes. Shaǵyn sot zalyna simai qalǵan halyq, sot úkimin oqyǵanda kúńirenip ketken kópshilik, talyqsyp qulaǵan ana, qulyn daýysy shyrqyraǵan bala... Olar sot sheshimimen esh kelisken joq. Ortalyqtan kelgen psiho-filologiialyq saraptama Maraldyń qylmysqa qatysyn dəleldeý múmkin emes dep shyqqan. Ol esepke alynǵan joq! Ustaý kezinde Maraldyń aqsha salynǵan konvertti óz qolymen aiqailap, jekirip, qorqytyp sómkesine saldyrtyp, sosyn kamerany qosqandyǵy týraly deregi esepke alynǵan joq! Birinshi kýəger bergen 100 myń teńge əriptestiń qaitqan anasynyń janazasyna ujymnyń jinaǵan qarjysy ekendigi əriptesteriniń ózi aityp ta, jazyp ta berse de esepke alynǵan joq! Eki kýəgerdiń de Maral tarapynan kórgen qysymy ózderiniń kəsibi biliktiligine qatysty qyzmettik talap ekendigi qanshama jumystyq hattamalarmen dəleldense de, esepke alynǵan joq! Sot otyrystarynda beinedəlelderdiń montajdalyp, ózine qarsy paidalanylǵandyǵyn, ózin aqtap alatyn dəleldi tustarynyń qiylǵanyn aitsa da, esepke alynǵan joq! Jalǵyz uly jan dosyn sýdan qutqaram dep ózi de teńizge batyp ólgen azaly ana ekendigi esepke alynǵan joq! Sol oqiǵadan psihologiialyq zaqym alǵan jalǵyz qyzdyń qaraýsyz, panasyz, anasyz qalǵandyǵy esepke alynǵan joq! Jalǵyzbasty ana ekendigi esepke alynǵan joq! Bul qyzmetke burynǵy oblys əkimi 8 ai kóndirip əkelgen bilikti təjiribeli maman ekendigi esepke alynǵan joq! Buǵan deiingi basshylar aýzynan aq mai aqtarylyp, pəlenbai úi, qymbat kólikpen kóshe almai qalǵanynda ústine qyltanaq ilmei, úsh bólmeli úide qanaǵatpen ómir súrip, 5 aiǵa jetpeitin qyzmet ishinde jemqor bolyp ketýge ary da, ýaqyty da jetpeitindigi esepke alynǵan joq! Memaiyptaýshy prokýratýra 12 mln teńge aiyppul jazasyn surasa da, esepke alynǵan joq! Arasha suraǵan el-jurt, aqsaqaldar, el aǵalary, ujym-əriptesteri bəri-bəri esepke alynǵan joq! Sen soqyr ǵana emes, tasjúrek ekensiń ǵoi, Femida!..
P.S: Maral Qadirdiń oblystyq sotqa apelliatsiialyq shaǵym túsirýine az ǵana ýaqyty qaldy. Advokattary qamsyz emes bolar. Əitse de, "əkemdi alǵan ajaldan men de qorqam" degen eken bireý. Qorqamyz jəne úmittenemiz... Tileimiz! Jalpy Maraldyń qysqa ǵana basshylyq qyzmetinde kimderdiń "aiaǵyn basyp" ketkeni, kimderdiń maishelpek ómirden airylǵysy kelmegenin qazir sezbesek te, keiin sezetin bolamyz. Para alýshy barda berýshi, jazasyz shytyrman istiń de kýəgerleri japqan jalalaryn óz arynyń tarazysyna tarta tursyn. Myna irip-shirigen qoǵam olarǵa da bir jalaqordy jolyqtyrar. Nietterinen tapsyn deimiz be, əlde... Jə, əzirge eshkimdi qarǵamaiyq, qaralamaiyq. Qatal úkim kesýshi sýdiany da. Ol da zańǵa súiengen bolar. Biraq!.. Tek, Mərtebeli Zańnyń Adam igiligi úshin jasalatyndyǵyn, bərimizdiń de ADAM bolyp qalýymyzdy shyn tileiikshi!..
Ánýar Bimaǵambet
