قايداسىڭ, سوقىر فەميدا?!

اقتاۋ قالالىق سوتىنىڭ سۋدياسى م.كەنجاليەۆ وبلىستىق دەنساۋلىق ساقتاۋ باسقارماسىنىڭ ەكس-باسشىسى مارال قادٸردٸ 7 جىل باس بوستاندىعىنان ايىرۋعا ٷكٸم شىعاردى. 7 جىل! جەتٸم قىز, جەسٸر əيەل, جالعىزباستى اناعا جەتٸ جىل!!! ال, "استانا-ەكسپو" ۇلتتىق كومپانيياسىنىڭ 214 ملن قارجىسىن جىمقىردى دەپ ايىپتالعان (ەركەتوتاي بالاسىنىڭ كٸسٸ ٶلتٸرگەن قىلمىسىن قوسپاعاندا) ق. ٷسەنوۆ راقىمشىلىقپەن بوساپ شىقتى. بۇنى بٸر دەپ بٸلٸڭٸز. حورگوس باسشىسى ۆ.ني 1 ملن دوللار پارامەن ۇستالىپ, كٶزاپارا قۇتىلىپ كەتتٸ. بۇل ەكٸ. 4 000 000 تەڭگە پارا سۇراپ تۇتىلعان احمەتاليەۆا دا قالالىق سوتتان 12 جىلعا كەسٸلٸپ تۇرىپ, وبلىستىق سوتتىڭ شەشٸمٸمەن 5 جىلعا جەڭٸلدەتٸپ الدى. جەمقورلىقپەن 1جىل 6 ايعا سوتتالعان قۇلماعامبەتوۆ 2000 ەاك ايىپپۇلعا ٶزگەرتٸپ قۇتىلدى. اقشا بوپسالاعان دەربٸسوۆا 3 جىل مەرزٸمٸن شارتتى جازاعا اۋدارىپ الدى. 1000 000 تەڭگە بوپسالاعان دەمەسٸنوۆا مەن تٷلەكباەۆا ٸسٸ دە جەڭٸل جازامەن اياقتالعان. ال, بار-جوعى 45 000 تەڭگەلٸك (300 دوللار) مارال قادٸرگە كەلگەندە مəرتەبەلٸ سوت زاڭقوي əم قاتال!

7 جىل! ٶمٸر بويى مەمقىزمەتكە تيىم! مٷلٸگٸن كəمپەسكەلەۋ! قايداسىڭ, سوقىر فەميدا?! وسى اپتادا وسى ٸستٸڭ ٷكٸمشٸسٸ م.كەنجاليەۆ ارنايى بريفينگ بەردٸ. سوتتىڭ اشىق ٶتكەنٸن, مارالدىڭ جاقتاستارى ۆيدەودəلەلدەردٸ كٶرٸپ, ٷنسٸز عانا كەلٸسكەندٸگٸن ايتتى. جوق! ولاي ەمەس. شاعىن سوت زالىنا سيماي قالعان حالىق, سوت ٷكٸمٸن وقىعاندا كٷڭٸرەنٸپ كەتكەن كٶپشٸلٸك, تالىقسىپ قۇلاعان انا, قۇلىن داۋىسى شىرقىراعان بالا... ولار سوت شەشٸمٸمەن ەش كەلٸسكەن جوق. ورتالىقتان كەلگەن پسيحو-فيلولوگييالىق ساراپتاما مارالدىڭ قىلمىسقا قاتىسىن دəلەلدەۋ مٷمكٸن ەمەس دەپ شىققان. ول ەسەپكە الىنعان جوق! ۇستاۋ كەزٸندە مارالدىڭ اقشا سالىنعان كونۆەرتتٸ ٶز قولىمەن ايقايلاپ, جەكٸرٸپ, قورقىتىپ سٶمكەسٸنە سالدىرتىپ, سوسىن كامەرانى قوسقاندىعى تۋرالى دەرەگٸ ەسەپكە الىنعان جوق! بٸرٸنشٸ كۋəگەر بەرگەن 100 مىڭ تەڭگە əرٸپتەستٸڭ قايتقان اناسىنىڭ جانازاسىنا ۇجىمنىڭ جيناعان قارجىسى ەكەندٸگٸ əرٸپتەستەرٸنٸڭ ٶزٸ ايتىپ تا, جازىپ تا بەرسە دە ەسەپكە الىنعان جوق! ەكٸ كۋəگەردٸڭ دە مارال تاراپىنان كٶرگەن قىسىمى ٶزدەرٸنٸڭ كəسٸبي بٸلٸكتٸلٸگٸنە قاتىستى قىزمەتتٸك تالاپ ەكەندٸگٸ قانشاما جۇمىستىق حاتتامالارمەن دəلەلدەنسە دە, ەسەپكە الىنعان جوق! سوت وتىرىستارىندا بەينەدəلەلدەردٸڭ مونتاجدالىپ, ٶزٸنە قارسى پايدالانىلعاندىعىن, ٶزٸن اقتاپ الاتىن دəلەلدٸ تۇستارىنىڭ قيىلعانىن ايتسا دا, ەسەپكە الىنعان جوق! جالعىز ۇلى جان دوسىن سۋدان قۇتقارام دەپ ٶزٸ دە تەڭٸزگە باتىپ ٶلگەن ازالى انا ەكەندٸگٸ ەسەپكە الىنعان جوق! سول وقيعادان پسيحولوگييالىق زاقىم العان جالعىز قىزدىڭ قاراۋسىز, پاناسىز, اناسىز قالعاندىعى ەسەپكە الىنعان جوق! جالعىزباستى انا ەكەندٸگٸ ەسەپكە الىنعان جوق! بۇل قىزمەتكە بۇرىنعى وبلىس əكٸمٸ 8 اي كٶندٸرٸپ əكەلگەن بٸلٸكتٸ تəجٸريبەلٸ مامان ەكەندٸگٸ ەسەپكە الىنعان جوق! بۇعان دەيٸنگٸ باسشىلار اۋزىنان اق ماي اقتارىلىپ, پəلەنباي ٷي, قىمبات كٶلٸكپەن كٶشە الماي قالعانىندا ٷستٸنە قىلتاناق ٸلمەي, ٷش بٶلمەلٸ ٷيدە قاناعاتپەن ٶمٸر سٷرٸپ, 5 ايعا جەتپەيتٸن قىزمەت ٸشٸندە جەمقور بولىپ كەتۋگە ارى دا, ۋاقىتى دا جەتپەيتٸندٸگٸ ەسەپكە الىنعان جوق! مەمايىپتاۋشى پروكۋراتۋرا 12 ملن تەڭگە ايىپپۇل جازاسىن سۇراسا دا, ەسەپكە الىنعان جوق! اراشا سۇراعان ەل-جۇرت, اقساقالدار, ەل اعالارى, ۇجىم-əرٸپتەستەرٸ بəرٸ-بəرٸ ەسەپكە الىنعان جوق! سەن سوقىر عانا ەمەس, تاسجٷرەك ەكەنسٸڭ عوي, فەميدا!..

P.S: مارال قادٸردٸڭ وبلىستىق سوتقا اپەللياتسييالىق شاعىم تٷسٸرۋٸنە از عانا ۋاقىتى قالدى. ادۆوكاتتارى قامسىز ەمەس بولار. Əيتسە دە, "əكەمدٸ العان اجالدان مەن دە قورقام" دەگەن ەكەن بٸرەۋ. قورقامىز جəنە ٷمٸتتەنەمٸز... تٸلەيمٸز! جالپى مارالدىڭ قىسقا عانا باسشىلىق قىزمەتٸندە كٸمدەردٸڭ "اياعىن باسىپ" كەتكەنٸ, كٸمدەردٸڭ مايشەلپەك ٶمٸردەن ايرىلعىسى كەلمەگەنٸن قازٸر سەزبەسەك تە, كەيٸن سەزەتٸن بولامىز. پارا الۋشى باردا بەرۋشٸ, جازاسىز شىتىرمان ٸستٸڭ دە كۋəگەرلەرٸ جاپقان جالالارىن ٶز ارىنىڭ تارازىسىنا تارتا تۇرسىن. مىنا ٸرٸپ-شٸرٸگەن قوعام ولارعا دا بٸر جالاقوردى جولىقتىرار. نيەتتەرٸنەن تاپسىن دەيمٸز بە, əلدە... جə, əزٸرگە ەشكٸمدٸ قارعامايىق, قارالامايىق. قاتال ٷكٸم كەسۋشٸ سۋديانى دا. ول دا زاڭعا سٷيەنگەن بولار. بٸراق!.. تەك, مəرتەبەلٸ زاڭنىڭ ادام يگٸلٸگٸ ٷشٸن جاسالاتىندىعىن, بəرٸمٸزدٸڭ دە ادام بولىپ قالۋىمىزدى شىن تٸلەيٸكشٸ!..

ەنۋار بيماعامبەت