- QR Memlekettik qyzmet isteri jáne sybailas jemqorlyqqa qarsy is-qimyl agenttigi memlekettik organdardyń qyzmet kórsetý sapasyn baǵalap shyqty, dep xabarlaidy "Ult aqparat".
«Aǵymdaǵy jyly 27 memlekettik organnyń qyzmet kórsetý jumysy tekserildi. Sondai-aq ákimdikterdiń osy saladaǵy jumysy baǵalandy. Osylaisha, jalpy 100 upaidyń ishinen ortasha baǵa 58 upaidy qurady. Ortalyq memlekettik organdar 55 upaidy ielense, jergilikti atqarýshy organdar 59 upaidy jinady. Eń joǵary upai sany ádilet, energetika ministrlikteri, Aqmola men Pavlodar oblystarynyń ákimdikteri jinady. Al eń tómen upai ulttyq ekonomika men aýyl sharýashylyǵy ministrlikteri, sondai-aq Batys Qazaqstan men Atyraý oblystaryna tiesili», - dedi agenttiktiń memlekettik qyzmetterdi baǵalaý jáne qadaǵalaý basqarmasynyń basshysy Marat Baisalov búgin Astanada ótken baspasóz máslixatynda. Atalǵan reiting saýalnamalardyń negizinde jasaldy.
Budan bólek, agenttik mamandary taǵy 50 memlekettik qyzmetke qoǵamdyq monitoring ótkizip, onyń nátijesin jyldyń aiaǵyna deiin vedomstvonyń resmi saitynda jariialaýdy josparlap otyr.
Aita keteiik, aǵymdaǵy jyly memlekettik organdar 111,8 mln. teńge kóleminde qyzmet kórsetti. Sonyń 57 paiyzy qaǵaz túrinde boldy.
.jpeg)