QR UEM Tabiǵi monopoliialardy retteý komitetiniń tóraǵasy Asan Darbaev Qazaqstanda jylý men sý tarifi qai óńirde joǵary ekenin aityp berdi, dep habarlaidy QazAqparat.
«Jylýmen qamtý salasynda qyzmet qunynyń basym úlesi otynǵa bailanysty bolady. Al eger gaz týraly aitar bolsaq, tarif gazdyń tolyq nemese bólshektep satylatyn baǵasyna qarai qubylady. Sýmen qamtý salasynda strategiialyq taýar – elektr energiiasy. Al elektr energiiasynyń baǵasy elektr energiiasyn óndirý qunyna qarai belgilenedi», - dedi Asan Darbaev OKQ-da ótken baspasóz másihatynda.
Onyń aitýynsha, sýmen qamtý jaǵynan eń joǵary tarif - Mańǵystaý, Atyraý jáne Soltústik Qazaqstan oblystarynda.
«Mańǵystaý oblysynda teńiz sýy qysymmen tekserilip, himiialyq protsesten ótedi. Bul aimaq kóterme saýda boiynsha baǵasy belgilenetin gazben qamtylady. Ony Energetika ministrligi bekitedi. Búgingi tańda gazdyń eń qymbat baǵasy - Nur-Sultan, Shymkent pen Almatyda. Baǵa týraly aitsaq, kóp jaǵdai sol sýbektidegi tehnikalyq jai-kúige, qurylǵyǵa bailanysty bolady», - dedi Asan Darbaev.
Komitet basshysy sóz sońynda barlyq óńirde tarif deńgeii dáiekti ekenin jetkizdi.
