Elordaǵa arnaiy saparmen kelgen Kavkaz musylmandary basqarmasynyń tóraǵasy Sheih-ýl-islam Allahshúkir Pashazade stýdentterge dáris oqydy, dep habarlaidy QazAqparat.
«Qurmetti oqytýshylar men stýdentter, sizdermen júzdeskenime qýanyshtymyn. Qazaqstannyń tuńǵysh Prezidenti, Elbasy Nursultan Nazarbaevpen áriden tanyspyn. Biz Máskeýdegi Kremlde ótken sezge birge qatysqan edik. Qazaqstan men Ázerbaijannan kelgen delegattar qatar otyrdyq. Sol kezde maǵan Nursultan Nazarbaevpen tanysý baqyty buiyrdy. Elbasy sol kezdiń ózinde óz ustanymy jáne kóshbasshylyq qasietimen erekshelengen bolatyn. Jalpy, ázerbaijan men qazaq eline ortaq dúnie kóp. Tarihymyz, mádenietimiz, tipti tilimiz de uqsas bolyp keledi», - dedi Sheih-ýl-islam Allahshúkir Pashazade.
Onyń aitýynsha, qazaq-ázerbaijan qarym-qatynasy baýyrlastyq pen yntymaqtastyqqa negizdelgen.
«Kezinde Ázerbaijannyń burynǵy Prezidenti Geidar Áliev Nursultan Nazarbaevty túriktildes ulttardyń aqsaqaly deitin. Bunymen biz de kelisemiz. Eki eldiń bir kezdegi memleket basshylary bastap bergen dostyqqa negizdelgen qarym-qatynas búginde jalǵasyn taýyp otyr. Jańa osy ýniversitettiń mýzeiin aralaý barysynda, ózimniń túrki halqynyń ókili ekenime erekshe qýandym. Bizdiń tarihymyz ben mádenietimiz bai jáne ony maqtan tutýymyz kerek», - deidi ol.
Sondai-aq, qurmetti qonaq pen stýdentter arasyndaǵy áńgime-dúken suraq-jaýapqa ulasty. Jastar ózderin qyzyqtyrǵan suraqtarǵa jaýap aldy.
Óz kezeginde atalǵan joǵary oqý ornynyń rektory Erlan Sydyqov Sheih-ýl-islam Allahshúkir Pashazadege alǵysyn jetkizdi.
JOO basshynyń málimdeýinshe, búginde EUÝ-de 25 myńnan astam stýdent bilim alyp jatyr. Onyń ishinde 1 myńnan astamy - shetel stýdentteri.
Sol siiaqty rektor ýniversitette «Dintaý» mamandyǵynyń baryn eske saldy.
Osy kúnge deiin atalǵan mamandyqty 170 bakalavr jáne 70 magistr támamdap shyqqan.
