QR Densaýlyq saqtaý vitse-ministri Ajar Ǵiniiat Kavasakige uqsas sindromǵa shaldyqqan balalar týraly aityp berdi, dep habarlaidy "Ult aqparat".
«2020 jylǵy tamyzdan bastap respýblikada COVID–19 indetimen astasqan mýltijúielik qabyný sindromy (Kavasakige uqsas sindrom) jaǵdailary tirkele bastady. Aýrý ýshyqqan jaz ailarynan keiin balalar arasynda atalǵan indet anyqtaldy. Úsh aptadan beri balalar arasynda bul aýrý tirkelmedi», - dedi vitse-ministr Ortalyq kommýnikatsiialar qyzmetinde.
Onyń sózine qaraǵanda, biyl mýltijúielik qabyný sindromy bar 42 bala tirkelgen, qazirgi ýaqytta mundai diagnozy bar patsientter joq.
«Balalar statsionarlardan emdelip shyqty», - dedi Ajar Ǵiniiat.
Budan buryn habarlanǵandai, biyl elimizde COVID-19 diagnozy rastalǵan barlyǵy 3 164 bala tirkelgen, onyń ishinde 114 jańa týǵan náreste bar. Qazirgi kezde COVID-19 indeti bar 340 bala baqylaýda tur.
