قر دەنساۋلىق ساقتاۋ ۆيتسە-مينيسترٸ اجار عينييات كاۆاساكيگە ۇقساس سيندرومعا شالدىققان بالالار تۋرالى ايتىپ بەردٸ, دەپ حابارلايدى "ۇلت اقپارات".
«2020 جىلعى تامىزدان باستاپ رەسپۋبليكادا COVID–19 ٸندەتٸمەن استاسقان مۋلتيجٷيەلٸك قابىنۋ سيندرومى (كاۆاساكيگە ۇقساس سيندروم) جاعدايلارى تٸركەلە باستادى. اۋرۋ ۋشىققان جاز ايلارىنان كەيٸن بالالار اراسىندا اتالعان ٸندەت انىقتالدى. ٷش اپتادان بەرٸ بالالار اراسىندا بۇل اۋرۋ تٸركەلمەدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, بيىل مۋلتيجٷيەلٸك قابىنۋ سيندرومى بار 42 بالا تٸركەلگەن, قازٸرگٸ ۋاقىتتا مۇنداي دياگنوزى بار پاتسيەنتتەر جوق.
«بالالار ستاتسيونارلاردان ەمدەلٸپ شىقتى», - دەدٸ اجار عينييات.
بۇدان بۇرىن حابارلانعانداي, بيىل ەلٸمٸزدە COVID-19 دياگنوزى راستالعان بارلىعى 3 164 بالا تٸركەلگەن, ونىڭ ٸشٸندە 114 جاڭا تۋعان نەرەستە بار. قازٸرگٸ كەزدە COVID-19 ٸندەتٸ بار 340 بالا باقىلاۋدا تۇر.
