Bala qaýipsizdigi máslesiniń mańyzy zor. Ár ata-ana balasynyń qaýipsiz ortada ómir súrip, deni saý, bilim-biligi mol sanaly urpaq bolǵanyn qalaidy. Ol úshin balabaqsha men mektepterdegi qaýipsizdik sharalary senimge selkeý túsirmeitindei bolýy qajet. Bul taqyryptyń mańyzdylyǵy Elbasy joldaýynanda da aitylyp ótti. Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýynda balalar qaýipsizdigine qatysty arnaiy tapsyrmalar berildi.
Elbasy óz joldaýynda: «Balalar qaýipsizdiginiń mańyzdylyǵyn eskerip, búkil mektepter men balabaqshalardy beinebaqylaý júiesimen qamtamasyz etýdi, mektep psihologtarynyń jumysyn kúsheitýdi jáne basqa da dáiekti sharalardy júzege asyrýdy tapsyramyn», - degen bolatyn.
Búginde atalǵan jumystarǵa bailanysty, qajetti is-sharalar qolǵa alynyp, júieli jumystar atqarylý ústinde.
Atap aitqanda, 2018 jyldan bastap qaýipsizdikti qamtamasyz etý jáne mektep protsesin avtomattandyrý maqsatynda «Qaýipsiz mektep» jobasy iske qosyldy.
Atalǵan joba sheńberinde Pavlodar oblysy Aqsý qalasynyń eki mektebinde (№2, Úshterek aýylyndaǵy mektep) jáne "Jas daryn" mamandandyrylǵan mektebinde arnaiy týrniketter ornatyldy. Osy arqyly bógde tulǵalardyń bilim ordasynyń aýmaǵyna erkin enýine tosqaýyl qoiyldy. Jobanyń basty maqsaty - bilim berý uiymdarynda balalardyń qaýipsizdigin qamtamasyz etý, bilim alýshylar arasyndaǵy quqyq buzýshylyqtardy boldyrmaý jáne oqý oryndarynda qaýipsizdik sharalaryn jetildirý. Bul jumystar oqý ornyndaǵy tártipti nyǵaiyp, bilim úlgeriminiń artýyna oń áserin tigizýde.
Sonymen qatar, memlekettik-jekeshelik áriptestik aiasynda Pavlodar jáne Ekibastuz qalalarynyń bilim berý uiymdarynda qoljetimdilikti baqylaý jáne basqarý júieleriniń jabdyqtaryn ornatý jáne paidalanýǵa berý týraly jobalaryn engizý boiynsha is-sharalar jalǵasyp jatyr. Jobany iske asyrýǵa Pavlodar qalasynyń 39 mektebi men 89 mektepke deiingi balalar uiymy, (jabdyqtardy satyp alý jáne ornatýǵa - 200,0 mln. teńge josparlanǵan), Ekibastuz qalasynyń 4 mektebi (jabdyqtardy satyp alý jáne ornatýǵa - 19,4 mln. teńge josparlanǵan) belgilendi.
Josparlanǵan memlekettik-jekeshelik áriptestik jobalarynyń negizgi maqsaty - "Tsifrlyq Qazaqstan" memlekettik baǵdarlamasyn iske asyrý aiasynda balalar qaýipsizdigin, órt qaýipsizdik talaptaryn eskere otyryp, terroristik qarym-qatynasqa osal obektilerdi terroristikke qarsy qorǵaý júielerin qamtamasyz etý, bilim berý uiymdaryna kelip-ketý esebin avtomattandyrý. Jobalardy iske asyrýdyń josparly merzimi 2019-2023 jyldar aralyǵy dep eseptelip otyr.
Bilim berý basqarmasy qazirgi ýaqytta joǵaryda kórsetilgen jobalarǵa investitsiialyq usynysty ázirleý boiynsha is-sharalar júrgizýde.
Sondai-aq, bilim berý uiymdarynda balalardyń qaýipsizdigin qamtamasyz etý maqsatynda jáne bilim berý mekemelerinde qaýipsizdikti jaqsartý úshin Pavlodar oblysynyń bilim berý obektilerinde 7859 beinebaqylaý kamerasy (100%) ornatylǵan, onyń ishinde mektepte - 4149, mektepke deiingi uiymdarda - 2414, kolledjder men basqa bilim berý uiymdarynda - 1296 beinebaqylaý kamerasy bar.
2019 jyly Pavlodar, Ekibastuz jáne Aqsý qalalarynyń balabaqshalary, mektepteri, kolledjderiniń ishki úi jaiyna qosymsha 2,9 myńnan asa beinebaqylaý kameralaryn ornatý josparlanýda.
Munyń bári balalar qaýipsizdi úshin jasalyp jatqan isterdiń bir parasy ǵana. Tártip pen tárbieniń ushtasýy qaýipsiz qoǵamdy qalyptastyrady. Al, ol qoǵam ár adamnyń igiligi men izgi ómirine jaryq shashary anyq. El bolashaǵynyń baiandy bolýy búgingi igi isterden bastalmaq. Urpaq saýlyǵy - ult keleshegi. Balalar qaýipsizdigi árqashan basty nazarda bolýy tiis.
