QR Saýda jáne integratsiia ministri Baqyt Sultanov ónimdi standarttaý men sertifikattaý júieleri týraly aitty, dep habarlaidy QazAqparat.
«Ónim sapasy ainalymynyń ósimin yntalandyrýǵa standarttaý men sertifikattaý júieleri tikelei bailanysty. 1 shildeden bastap tehnikalyq retteý týraly jańa zań kúshine enedi. Zańmen naryqty baqylaýdyń institýty qurylady. Bul óz kezeginde «anyqtaý-synyqtan ótkizý - naryqtan shyǵarý» tártibi boiynsha jumys isteidi», - dedi Sultanov onlain rejimde halyq aldynda esep berýi kezinde.
Onyń aitýynsha, zerthanalyq synaq júrgizý úshin qaýipsiz emes ónimniń úlgilerin irikteý rásimi engizilip jatyr.
«Osy oraida ónimniń qozǵalysy onlain baqylaýda bolady, iaǵni sertifikattaý men tirkeý aqparattyq júieleri arqyly júrgiziledi. Keiinnen elektrondy sertifikattar Eýraziialyq ekonomikalyq komissiianyń jalpy protsesterimen integratsiialanady», - dedi ministr.
Osy jańashyldyqtar tehnikalyq retteý salasynda qadaǵalaý-baqylaý qyzmetiniń ashyqtyǵy men tiimdiligin qamtamasyz etedi.
