قر ساۋدا جەنە ينتەگراتسييا مينيسترٸ باقىت سۇلتانوۆ ٶنٸمدٸ ستاندارتتاۋ مەن سەرتيفيكاتتاۋ جٷيەلەرٸ تۋرالى ايتتى, دەپ حابارلايدى قازاقپارات.
«ٶنٸم ساپاسى اينالىمىنىڭ ٶسٸمٸن ىنتالاندىرۋعا ستاندارتتاۋ مەن سەرتيفيكاتتاۋ جٷيەلەرٸ تٸكەلەي بايلانىستى. 1 شٸلدەدەن باستاپ تەحنيكالىق رەتتەۋ تۋرالى جاڭا زاڭ كٷشٸنە ەنەدٸ. زاڭمەن نارىقتى باقىلاۋدىڭ ينستيتۋتى قۇرىلادى. بۇل ٶز كەزەگٸندە «انىقتاۋ-سىنىقتان ٶتكٸزۋ - نارىقتان شىعارۋ» تەرتٸبٸ بويىنشا جۇمىس ٸستەيدٸ», - دەدٸ سۇلتانوۆ ونلاين رەجيمدە حالىق الدىندا ەسەپ بەرۋٸ كەزٸندە.
ونىڭ ايتۋىنشا, زەرتحانالىق سىناق جٷرگٸزۋ ٷشٸن قاۋٸپسٸز ەمەس ٶنٸمنٸڭ ٷلگٸلەرٸن ٸرٸكتەۋ رەسٸمٸ ەنگٸزٸلٸپ جاتىر.
«وسى ورايدا ٶنٸمنٸڭ قوزعالىسى ونلاين باقىلاۋدا بولادى, ياعني سەرتيفيكاتتاۋ مەن تٸركەۋ اقپاراتتىق جٷيەلەرٸ ارقىلى جٷرگٸزٸلەدٸ. كەيٸننەن ەلەكتروندى سەرتيفيكاتتار ەۋرازييالىق ەكونوميكالىق كوميسسييانىڭ جالپى پروتسەستەرٸمەن ينتەگراتسييالانادى», - دەدٸ مينيستر.
وسى جاڭاشىلدىقتار تەحنيكالىق رەتتەۋ سالاسىندا قاداعالاۋ-باقىلاۋ قىزمەتٸنٸڭ اشىقتىعى مەن تيٸمدٸلٸگٸن قامتاماسىز ەتەدٸ.
