Freepik
Katarlyq investor Bereke bank-ti (burynǵy "Sberbank") satyp alý úshin baǵalaý júrgizip jatyr. Bul týraly Májilis otyrysynda Qarjy naryǵyn retteý jáne damytý agenttiginiń basshysy Mádina Ábilqasymova málim etti, - dep habarlaidy Tengrinews.kz saity.
"Qazirgi ýaqytta áleýetti investorlar qatary anyqtalyp jatyr. Solardyń ishinde, kúrdeli jumys istelgen mámile - memlekettik Bereke bankin satý. Qazir katarlyq investorlarmen birlesip, diý-dilidjens protsedýrasy (investitsiialyq nysandy keshendi baǵalaý – esk.) júrgizilip jatyr", – dedi agenttik basshysy.
Onyń aitýynsha, bankti baǵalaǵan soń, qunyn katarlyq investor anyqtaidy.
"Kelissózder júrip jatqan kezde, óz tarapymyzdan naryqtyń tartymdylyǵyn qamtamasyz etý, sonymen qatar qarjy naryǵyna kirýdiń jeńildigin qamtamasyz etý maqsatynda qyrkúiekte bank zańnamasyn qaita qaraýdy bastadyq. Biz sheteldik bankterdiń ishki naryqqa shyǵý sharttaryn yryqtandyrýdy qalaimyz", - dep qosty Mádina Ábilqasymova.
Eske sala keteiik, Bereke Bank – Sberbanktiń burynǵy enshiles banki. Qarjy uiymy aktsiiasynyń 100%-i úkimetke ("Báiterek" ulttyq holdingine) tiesili.
