Qazaqstandyq shekarashylar 29 suńqar qusyn elden alyp shyqpaq bolǵan katarlyqtardyń jolyn kesti, dep habarlaidy "Ult aqparat" QR Ulttyq qaýipsizdik komitetiniń baspasóz qyzmetine silteme jasap.
«Almaty» Halyqaralyq áýejaiynyń ótkizý pýnktinde shekarashylar «Doha - Almaty» reisimen ushpaq bolǵan Katardyń eki azamatyn ustady. Sheteldikter qustardy tiisti qujattarsyz alyp ótpek bolǵan.
Kólik quralyn jáne júkterdi qosymsha tekserý kezinde qazaqstandyq shekarashylar júktiń tirkelgendigi týraly birkalar men plomba salynbaǵan 15 aǵash jáshikti anyqtady. Olardyń ishinen joiylýdyń az-aq aldynda turǵan 29 suńqar qusy tabyldy.
Ustaý faktisi boiynsha QR Aýyl sharýashylyǵy ministrligi veterinarlyq baqylaý jáne qadaǵalaý komitetiniń aýmaqtyq inspektsiiasynyń jáne tiisti quqyq qorǵaý organdarynyń ókilderine habar berildi. E
Eske sala keteiik, ótken demalys kúnderi Resei azamaty shekara arqyly 12 kógershindi ruqsattama qujatynsyz áketpek bolǵan jerinen ustalǵan bolatyn.
