Katar biligi Saýda Arabiiasy, Birikken Arab Ámirlikteri (BAÁ), Bahrein jáne Egipetke olar qoiǵan talaptarǵa jaýap berdi. Bul týraly "ál-Arabiia" telearnasy jariialaǵan tórt el jasaǵan málimdeme úzindisinde aitylady.
Arab elderi Katardyń jaýabyn ýltimatým merzimi aiaqtalmai jatyp alǵan. Jaýap mazmuny jáne oǵan Parsy shyǵanaǵy elderiniń qalai reaktsiia bildiretini aitylmaǵan.
Saýd Arabiiasy, BAÁ, Bahrein men Egipet 5 maýsymda Katardy "terrorizmdi qoldaidy jáne Iranmen tym jaqyn qarym-qatynas ornatty" dep aiyptap, onymen barlyq qarym-qatynasyn toqtatqan. Katar taǵylǵan aiyptardy teristegen.
Al eki apta buryn arab elderi Katarǵa "Ál-Jazira" telearnasyn jabý, Iranmen diplomatiialyq qarym-qatynasty úzý, Túrkiia áskeri bazasyn jaýyp, Ankaramen áskeri yntymaqtastyqty toqtatý siiaqty 13 talap qoiyp, Dohaǵa 3 shildege deiin jaýap berýge mursat bergen edi. 3 shildede arab elderi mursat merzimin 48 saǵatqa uzartqan.
Katar syrtqy ister ministri sheih Mohammed bin Abdýlrahman ál-Tani "ýltimatým retinde oryndalmaityn talaptar qoiylyp otyr jáne ol Katardyń egemendigine qol suǵady" dep málimdegen.
