كاتار بيلٸگٸ ساۋدا ارابيياسى, بٸرٸككەن اراب ەمٸرلٸكتەرٸ (باە), باحرەين جەنە ەگيپەتكە ولار قويعان تالاپتارعا جاۋاپ بەردٸ. بۇل تۋرالى "ەل-ارابييا" تەلەارناسى جارييالاعان تٶرت ەل جاساعان مەلٸمدەمە ٷزٸندٸسٸندە ايتىلادى.
اراب ەلدەرٸ كاتاردىڭ جاۋابىن ۋلتيماتۋم مەرزٸمٸ اياقتالماي جاتىپ العان. جاۋاپ مازمۇنى جەنە وعان پارسى شىعاناعى ەلدەرٸنٸڭ قالاي رەاكتسييا بٸلدٸرەتٸنٸ ايتىلماعان.
ساۋد ارابيياسى, باە, باحرەين مەن ەگيپەت 5 ماۋسىمدا كاتاردى "تەرروريزمدٸ قولدايدى جەنە يرانمەن تىم جاقىن قارىم-قاتىناس ورناتتى" دەپ ايىپتاپ, ونىمەن بارلىق قارىم-قاتىناسىن توقتاتقان. كاتار تاعىلعان ايىپتاردى تەرٸستەگەن.
ال ەكٸ اپتا بۇرىن اراب ەلدەرٸ كاتارعا "ەل-جازيرا" تەلەارناسىن جابۋ, يرانمەن ديپلوماتييالىق قارىم-قاتىناستى ٷزۋ, تٷركييا ەسكەري بازاسىن جاۋىپ, انكارامەن ەسكەري ىنتىماقتاستىقتى توقتاتۋ سيياقتى 13 تالاپ قويىپ, دوحاعا 3 شٸلدەگە دەيٸن جاۋاپ بەرۋگە مۇرسات بەرگەن ەدٸ. 3 شٸلدەدە اراب ەلدەرٸ مۇرسات مەرزٸمٸن 48 ساعاتقا ۇزارتقان.
كاتار سىرتقى ٸستەر مينيسترٸ شەيح موحاممەد بين ابدۋلراحمان ەل-تاني "ۋلتيماتۋم رەتٸندە ورىندالمايتىن تالاپتار قويىلىپ وتىر جەنە ول كاتاردىڭ ەگەمەندٸگٸنە قول سۇعادى" دەپ مەلٸمدەگەن.
