Jeksenbi, 14 aqpan kúni Ispaniianyń Kataloniia aimaǵynda jergilikti sailaý ótti. Ekzitpol nátijesine qaraǵanda burynǵy densaýlyq ministri Salvador Ilia basqaratyn Sotsialistik partiia basqa partiialardan aiyrmashylyqpen alda keledi.
Euronews telearnasynyń habarlaýynsha, bul sotsialisterdiń jeńiske jetetinine kepildik bermeidi. Ispaniia quramynan bólinýdi qoldaityn kúshterdiń koalitsiiaǵa birigý múmkindigi áli de bar.
Daýys berý aiaqtalǵanda jariialanǵan ekzitpol nátijesine qaraǵanda, sotsialister 24,5 paiyz daýys alǵan.
Degenmen separatizmdi qoldaityn "Bárimiz birge Kataloniia úshin" partiiasy (lideri Karles Pýchdemon Belgiiada turady) men Ispaniiadan bóliný máselesinde ustanymy jumsaqtaý "Kataloniianyń solshyl respýblikashyldary" partiiasy birigip, koalitsiia qurýyna múmkindik áli de bar.
Qazirgi sailaý Kataloniiadaǵy separatistik partiialarǵa synaq retinde qaralyp otyr. Alaida pandemiia kezindegi shekteýlerge bailanysty daýys berý deńgeii tómen bolyp shyqty.
Sotsialist Pedro Sanches jetekshilik etetin Ispaniia úkimeti osy sailaý separatister kúshin álsiretedi dep úmittenedi. 2017 jyldyń qazan aiynda Kataloniia referendým ótkizip, daýys berýshilerdiń kóbi Ispaniiadan bólinip shyǵýdy qoldaǵan. Biraq Ispaniia úkimeti referendýmdy zańsyz dep tanyp, onyń nátijesin moiyndamai qoidy.
