جەكسەنبٸ, 14 اقپان كٷنٸ يسپانييانىڭ كاتالونييا ايماعىندا جەرگٸلٸكتٸ سايلاۋ ٶتتٸ. ەكزيتپول نەتيجەسٸنە قاراعاندا بۇرىنعى دەنساۋلىق مينيسترٸ سالۆادور يليا باسقاراتىن سوتسياليستٸك پارتييا باسقا پارتييالاردان ايىرماشىلىقپەن الدا كەلەدٸ.
Euronews تەلەارناسىنىڭ حابارلاۋىنشا, بۇل سوتسياليستەردٸڭ جەڭٸسكە جەتەتٸنٸنە كەپٸلدٸك بەرمەيدٸ. يسپانييا قۇرامىنان بٶلٸنۋدٸ قولدايتىن كٷشتەردٸڭ كواليتسيياعا بٸرٸگۋ مٷمكٸندٸگٸ ەلٸ دە بار.
داۋىس بەرۋ اياقتالعاندا جارييالانعان ەكزيتپول نەتيجەسٸنە قاراعاندا, سوتسياليستەر 24,5 پايىز داۋىس العان.
دەگەنمەن سەپاراتيزمدٸ قولدايتىن "بەرٸمٸز بٸرگە كاتالونييا ٷشٸن" پارتيياسى (ليدەرٸ كارلەس پۋچدەمون بەلگييادا تۇرادى) مەن يسپانييادان بٶلٸنۋ مەسەلەسٸندە ۇستانىمى جۇمساقتاۋ "كاتالونييانىڭ سولشىل رەسپۋبليكاشىلدارى" پارتيياسى بٸرٸگٸپ, كواليتسييا قۇرۋىنا مٷمكٸندٸك ەلٸ دە بار.
قازٸرگٸ سايلاۋ كاتالونيياداعى سەپاراتيستٸك پارتييالارعا سىناق رەتٸندە قارالىپ وتىر. الايدا پاندەمييا كەزٸندەگٸ شەكتەۋلەرگە بايلانىستى داۋىس بەرۋ دەڭگەيٸ تٶمەن بولىپ شىقتى.
سوتسياليست پەدرو سانچەس جەتەكشٸلٸك ەتەتٸن يسپانييا ٷكٸمەتٸ وسى سايلاۋ سەپاراتيستەر كٷشٸن ەلسٸرەتەدٸ دەپ ٷمٸتتەنەدٸ. 2017 جىلدىڭ قازان ايىندا كاتالونييا رەفەرەندۋم ٶتكٸزٸپ, داۋىس بەرۋشٸلەردٸڭ كٶبٸ يسپانييادان بٶلٸنٸپ شىعۋدى قولداعان. بٸراق يسپانييا ٷكٸمەتٸ رەفەرەندۋمدى زاڭسىز دەپ تانىپ, ونىڭ نەتيجەسٸن مويىنداماي قويدى.
