QR ishki ister ministri Qalmuhanbet Qasymov ýaqytsha tirkeýge bailanysty esik ashpaityn qazaqstandyqtardy tekserýdiń basqa jolyn tabatynyn málimdedi, - dep habarlaidy "Ult aqparat" kaz.tengrinews.kz portalyna silteme jasap.
Úkimet otyrysy aiaqtalǵannan keiin tilshilerdiń suraǵyna jaýap bergen Qalmuhanbet Qasymov IIM-niń ýaqytsha tirkelmegen azamattarǵa aiyppul salýdy áli bastamaǵanyn atap ótti. Al "Azamattyń úige kelgen politseige esik ashpaýǵa quqyǵy bar ma?" degen suraqqa ol "Jaraidy, ashpańyzdar, biz tekserýdiń basqa amalyn tabamyz" dep jaýap berdi.
"Sebebi ózderińiz bilesizder, Ýniversiadany kútip otyrmyz. Sondyqtan 4 qańtarda jinalys ótkizip, qalada josparly túrde tekseris bastaldy. Birinshi aida ýaqytsha tirkeý boiynsha tek eskertý jasaimyz. Al keiin tártipke keltirý úshin shara qoldanamyz. Ýaqytsha tirkeý - bul eń tiimdi joly. Aitalyq, men qazir Astanada páterge kezekte tursam, biraq jumyspen Atyraýǵa barýym kerek bolsa, ne isteýim kerek? Biz onyń bastapqy turǵylyqty jerinen tirkeýden shyqpai, barǵan jerine tirkeýge turýǵa, jumys istep, páter alýǵa múmkindik beremiz", - dep málimdedi ministr.
Onyń aitýynsha, taiaýda bastalǵan tekseris Almatydaǵy Ýniversiadaǵa bailanysty jáne basqa qalalarda júrgizilmegen.
"Biz tek Almatyda tekseris júrgizdik, bul ýaqytsha tirkeýge bailanysty emes, basqa óńirlerde tekseris bolǵan joq. Almatyda zańsyz turyp jatqandardy tekseremiz", - dedi Qasymov.
.jpeg)