Prezident Qasym-Jomart Toqaev BUU Bas Assambleiasynyń 77-sessiiasyna qatysý úshin Niý-Iorkke jumys saparymen bardy, - dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy 19 qyrkúiekte JPMorgan Chase & Co, Citi, Goldman Sachs, NASDAQ sekildi jahandyq qarjy institýttarynyń basshylarymen kezdesý ótkizedi.
Sonymen qatar, Qasym-Jomart Toqaev Boeing, ExxonMobil, General Electrics, Wabtec, Microsoft siiaqty transulttyq kompaniialardyń jetekshilerimen, sondai-aq sarapshylar tobynyń ókilderimen kezdesedi.
20 qyrkúiekte Prezident BUU Bas Assambleiasynyń Jalpy debatynda sóz sóileidi.
Budan bólek, BUU Bas hatshysymen, Eýropalyq Odaq basshylyǵymen jáne birqatar memleket basshylarymen olardyń ótinishi boiynsha kezdesýler ótkizý josparlanyp otyr.
