پرەزيدەنت قاسىم-جومارت توقاەۆ بۇۇ باس اسسامبلەياسىنىڭ 77-سەسسيياسىنا قاتىسۋ ٷشٸن نيۋ-يورككە جۇمىس ساپارىمەن باردى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى 19 قىركٷيەكتە JPMorgan Chase & Co, Citi, Goldman Sachs, NASDAQ سەكٸلدٸ جاھاندىق قارجى ينستيتۋتتارىنىڭ باسشىلارىمەن كەزدەسۋ ٶتكٸزەدٸ.
سونىمەن قاتار, قاسىم-جومارت توقاەۆ Boeing, ExxonMobil, General Electrics, Wabtec, Microsoft سيياقتى ترانسۇلتتىق كومپانييالاردىڭ جەتەكشٸلەرٸمەن, سونداي-اق ساراپشىلار توبىنىڭ ٶكٸلدەرٸمەن كەزدەسەدٸ.
20 قىركٷيەكتە پرەزيدەنت بۇۇ باس اسسامبلەياسىنىڭ جالپى دەباتىندا سٶز سٶيلەيدٸ.
بۇدان بٶلەك, بۇۇ باس حاتشىسىمەن, ەۋروپالىق وداق باسشىلىعىمەن جەنە بٸرقاتار مەملەكەت باسشىلارىمەن ولاردىڭ ٶتٸنٸشٸ بويىنشا كەزدەسۋلەر ٶتكٸزۋ جوسپارلانىپ وتىر.
