Memleket basshysy Qazaqstan halqy Assambleiasy tóraǵasynyń orynbasary Janseiit Túimebaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa úkimettik komissiianyń Jambyl oblysy Qordai aýdanyndaǵy Masanshy, Qarakemer, Sortóbe, Aýqatty jáne basqa da aýyldardyń turǵyndarymen ótkizgen kezdesý qorytyndysy boiynsha málimet berildi.
Qazaqstan Prezidenti eldegi turaqtylyqty, ulttar men etnostar arasyndaǵy birlik pen yntymaqtastyqty saqtaýǵa baǵyttalǵan sharalar qabyldaý úshin birqatar naqty tapsyrma berdi.
Kezdesý barysynda Jambyl oblysyndaǵy dúngen qaýymynyń jergilikti qazaq qaýymdastyǵymen aralasýyna, qazaq tilin úirenýine, memlekettik organdarǵa qurmetpen qaraýyna qatysty máselelerge basa mán berildi.
