Memleket basshysy Qasym-Jomart Toqaev Túrkiia Prezidenti Rejep Taiip Erdoǵanǵa kóńil aitý jedelhatyn joldady, dep habarlaidy "Ult aqparat" Aqordaǵa silteme jasap.
Qazaqstan Prezidenti Van provintsiiasyndaǵy qar kóshkini saldarynan kóptegen adamnyń qaza bolǵany jáne zardap shekkeni týraly sýyt habardy tereń kúizelispen qabyl aldy.
«Osyndai aýyr sátte qaiǵy-qasiretterińizge ortaqtasyp, barsha qazaqstandyqtar men jeke óz atymnan Sizge, sondai-aq baýyrlas túrik halqyna qaiǵyra kóńil aitamyn. Alla taǵaladan tabiǵi apat kezinde qaza tapqandardyń jandary jánnatta bolýyn, jaralanǵandardyń tez arada saýyǵyp ketýin tileimin», – delingen jedelhatta.
Eske salaiyq, 4 aqpan kúni Túrkiia shyǵysyndaǵy Van provintsiiasynda qar kóshkini boldy. Jolda qar tazalaityn kólik jumys istegen, onyń artynan jolaýshylar mingen avtobýs kele jatqan. Kenetten taýdan kóshkin júrip, qar tazalaityn tehnikany kómip qalǵan jáne shaǵyn avtobýsty 40 metrlik jardan qulatyp jibergen.
Sońǵy málimetter boiynsha, oqiǵa saldarynan 33 adam qaza boldy. Olardyń arasynda adamdardy qutqarmaq bolǵan qaýipsizdik kúshteriniń qyzmetkerleri bar. 50-den astam adam zardap shekti.
BAQ-tar aqparatyna sáikes, bir táýlikte eki qar kóshkini túsken.
