Memleket basshysy Qasym-Jomart Toqaev «Kýgar» áskeri tikushaǵynyń apatqa ushyrap, birneshe adamnyń qaza bolýyna bailanysty Túrkiia Prezidenti Redjep Taiip Erdoǵanǵa Qazaqstan halqynyń jáne jeke óziniń atynan kóńil aitý jedelhatyn joldady.
Bul týraly "Ult aqparat" Aqordaǵa silteme jasap habarlaidy.
«Túrkiianyń shyǵysyndaǵy Bingiol aimaǵynda apatqa ushyraǵan «Kýgar» áskeri tikushaǵynda qurban bolǵan jáne zardap shekkender týraly aqparatty tereń kúizelispen qabyl aldym. Osyndai aýyr sátte qaiǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge, sondai-aq, baýyrlas túrik halqyna qaiǵyra kóńil aitamyn. Alla taǵaladan qaza bolǵandardyń jandary jánnatta bolýyn, jaralanǵandardyń tez arada saýyǵyp ketýin tileimin», – dep jazylǵan jedelhatta.
Osyǵan deiin Túrkiianyń shyǵysynda tikúshaq apatqa ushyraǵanyn habarlaǵan bolatynbyz.
Keiinirek ushaq apaty saldarynan 11 adamnyń qurban bolǵany habarlandy.
