Memleket basshysy Qasym-Jomart Toqaev Taza tabiǵat» jobasyn júzege asyrýdy usyndy. Bul týraly ol Táýelsizdiginiń 30 jyldyǵyn merekeleýge daiyndyq jónindegi memlekettik komissiianyń birinshi otyrysynda aitty, dep habarlaidy «Ult aqparat».
Memleket basshysy eldegi kórikti jerlerdiń jyl ótken saiyn jutańdanyp bara jatqanyna alańdap, «Taza tabiǵat» jobasyn júzege asyrýdy usyndy. Ekologiialyq bastamalar jyl saiynǵy turaqty jumysqa ulasyp, ómir saltyna ainalýy shart ekenin jetkizdi. Osy rette Ulystyń uly kúnin jańasha atap ótý týraly oiymen bólisti.
«Babalarymyz Áz Naýryz kelgende bulaqtyń kózin ashyp, aǵash otyrǵyzǵan. Osy tamasha dástúrdi jańa qarqynmen jalǵastyraiyq. Tabiǵatty tazalap, qorshaǵan ortany kógaldandyrýdy qolǵa alaiyq. Mundai sharalardy barlyq aimaqta uiymdastyrýymyz qajet. Bul – ata saltymyz ári urpaqqa ekologiialyq tárbie berýdiń eń tiimdi joly», – dedi Prezident.
.jpeg)