Sot protsesi túsinikti ári yńǵaily bolýy qajet. Bul týraly QR sýdialarynyń VIII sezinde Memleket basshysy Qasym-Jomart Toqaev aitty, dep habarlaidy QazAqparat.
«Sot protsesterin ońtailandyrý jáne daýlardy sheshýdiń bailanyssyz tetikterin engizý - bul óte baiypty problema. Sot protsesiniń biýrokratiialanýy jáne tym reglamenttelgen protsedýralar áýre-sarsańǵa alyp kelip, qoǵamda ádil syn týdyrady. Sondyqtan sottardy adamdarmen jumysta klientke baǵdarlanǵan ádis engizilýi qajet», - dedi Memleket basshysy.
Osy oraida QR Prezidenti bul baǵytta alǵashqy ári mańyzdy qadamnyń jasalǵanyn atap ótti.
«Bul oraida Tóraǵa bastaǵan Joǵarǵy sottyń basshylyǵy sot júiesin reformalaý turǵysynda barynsha belsendi ári tiimdi jumys istep jatqanyn moiyndaý kerek. Jekelegen sottarda front-keńseler ashyldy. Bul tájiribeni maqsatty túrde ulǵaitý qajet. Sot óndirisindegi barlyq biznes protsester oily ári qarapaiym logika turǵysynda durys bolýy tiis. Protsedýralar men relamentterdi ońtailandyryp, qajetsizderin alyp tastaǵan jón. Sot protsesi túsinikti ári yńǵaily bolýy qajet. Azamattar protsedýralyq barlyq aila-ádisterdi túsinýge mindetti emes», - dedi Qasym-Jomart Toqaev.
Memleket basshysy taiaýda Ákimshilik-protsessýaldyq kodekstiń qabyldanǵanyn eske saldy.
«Bul baǵyttaǵy jumysty jalǵastyrý qajet. Sot óndirisiniń barlyq formalaryn ońtailandyrý talap etiledi. Sot aktileriniń sapasyna erekshe nazar aýdarǵan jón», - dedi QR Prezidenti.
