Foto: uiymdastyrýshylardan
Memleket basshysy Qasym-Jomart Toqaev Silk Way Star halyqaralyq óner dodasynyń máresine jetýine orai qatysýshylarǵa arnaiy quttyqtaý joldady, dep habarlaidy Ult.kz.
Prezident óz sózinde bul jobanyń Aziia halyqtarynyń mádeni bailanysyn tereńdetip, rýhani yqpaldastyqty nyǵaitatyn biregei bastama ekenin atap ótti.
«Silk Way Star – mádeni diplomatiianyń jarqyn kórinisi. Ol elderimizdiń salt-dástúri men shyǵarmashylyǵyn tanytyp, halyqtar arasyndaǵy dostyqty kúsheitedi. Osyndai aýqymdy is-sharalar ortaq qundylyqtarymyzdy dáriptep, yntymaǵymyzdy arttyra túsedi», – dedi Memleket basshysy.
Qasym-Jomart Toqaev erekshe jobany júzege asyrýǵa úlken úles qosqan China Media Group mediakorporatsiiasyna rizashylyǵyn bildirdi. Sondai-aq Ázerbaijan, Armeniia, Grýziia, Qazaqstan, Qytai, Qyrǵyzstan, Malaiziia, Mońǵoliia, Tájikstan, Túrikmenstan, Ózbekstan jáne Ońtústik Koreiadan kelgen talant ieleriniń joǵary deńgeidegi ónerin atap ótti.
Prezident qatysýshylarǵa alǵys aityp, shyǵarmashylyq jolda jańa belesterdi baǵyndyrýǵa tilektestik bildirdi.
«Sizderge amandyq jáne sáttilik tileimin!» – delingen quttyqtaýda.
Aita keteiik, Mońǵoliialyq daryndy ánshi Mishel Djozef Silk Way Star halyqaralyq mýzykalyq baiqaýynyń jeńimpazy atandy. Astanada ótken gran-finalda 7 ónerpaz baq synady. Jeńimpazdy baiqaýdyń arnaiy qonaǵy Dimash Qudaibergen marapattady.
