Qazaqstan Prezidenti Qasym-Jomart Toqaev 10 qarasha kúni videokonferentsiia formatynda ótetin Shanhai yntymaqtastyq uiymyna múshe memleketter basshylary Keńesiniń otyrysyna qatysady.
Bul týraly búgin óziniń Facebook paraqshasynda QR Prezidentiniń baspasóz hatshysy Berik Ýáli jazdy, dep habarlaidy "Ult aqparat".
Keńes Resei Federatsiiasynyń tóraǵalyǵymen ótedi.
Sammittiń kún tártibinde koronavirýs pandemiiasynyń álemniń saiasi jáne áleýmettik-ekonomikalyq damýyna tigizgen keri áseri kezinde Uiym aiasyndaǵy yntymaqtastyqty odan ári nyǵaitýdyń basym baǵyttary qarastyrylady dep josparlanyp otyr. ShYU elderiniń basshylary halyqaralyq jáne aimaqtyq deńgeidegi ózekti máseleler boiynsha pikir almasady.
«Sonymen qatar jiynda BUU Bas hatshysy Antoniý Gýterresh beine úndeý jasaidy. Kezdesý qorytyndysy boiynsha Máskeý deklaratsiiasy jáne basqa da birqatar qujat qabyldanady dep josparlanǵan», - delingen habarlamada.
