Búgin QR Parlamenti palatalarynyń birlesken otyrysynda Respýblika Prezidenti ókilettigin ýaqytsha atqaratyn Qasym-Jomart Toqaevqa Prezident kýáligi, omyraýǵa taǵatyn belgisi jáne bairaǵy, «Altyn qyran» ordeni tapsyryldy, dep habarlaidy "Ult aqparat".
«QR Konstitýtsiiasynyń 48-babyna sáikes, Sizge Prezident kýáligin, omyraýǵa taǵatyn belgisin jáne bairaǵyn, «Altyn qyran» ordenin tapsyrýǵa ruqsat etińiz», - dedi QR Parlamenti palatalarynyń birlesken otyrysynda Qazaqstan Respýblikasy Ortalyq sailaý komissiiasynyń tóraǵasy Berik Imashev.
Sodan keiin Qasym-Jomart Toqaev Qazaqstan Prezidenti retinde alǵashqy sózin sóiledi
"Asa qadirli Elbasy, qurmetti Parlament depýtattary, Úkimet músheleri, qurmetti otandastar! Keshe naýryzdyń 19 naýryz barsha álem jurtshylyǵy asa mańyzdy tarihi oqiǵaǵa kýá boldy. Qazaq memlekettiliginiń negizin qalaýshy, uly tulǵa, Qazaqstannyń tuńǵysh prezidenti Nursultan Nazarbaev óz erkimen memleket basshysy ókilettigin tapsyrdy. Elbasynyń bul jigerli sheshimi onyń jahandyq deńgeidegi jáne tarihi aýqymdaǵy saiasi qairatker retinde ulylyǵyn kórsetti", - dedi Toqaev.
Ol Qazaqstannyń jetistikteri Tuńǵysh Prezident Nursultan Nazarbaevtyń qajyrly eńbeginiń arqasynda múmkin bolǵanyn aitty.
"Elbasy Keńes odaǵynyń kúiregen qaldyqtarynan qalǵan asa kúrdeli geosaiai jaǵdaida jańa memlekettiń irgesin qalady jáne onyń kóshin bastady. Kóptegen teris boljamdarǵa qaramastan, memleketti barsha álem moiyndaǵan tabystarǵa jetkizdi. Dúniejúzi kartasynda qarqyndy damý, demokratiia, kelisim men beibit ómirdiń shynaiy simvolyna ainalǵan memleket paida boldy", - dedi jańa Prezident.
Sonymen qatar, Toqaev Elbasy Qazaqstan tarihynda tuńǵysh ret jańa memlekettik institýttardyń negizin salǵanyn eske saldy. Olardyń qatarynda prezidenttik institýt, qos palataly parlament, memlekettik qyzmet, qarýly kúshter, diplomatiialyq qyzmet, sondai-aq azamattyq qoǵam institýttary bar.
