بٷگٸن قر پارلامەنتٸ پالاتالارىنىڭ بٸرلەسكەن وتىرىسىندا رەسپۋبليكا پرەزيدەنتٸ ٶكٸلەتتٸگٸن ۋاقىتشا اتقاراتىن قاسىم-جومارت توقاەۆقا پرەزيدەنت كۋەلٸگٸ, ومىراۋعا تاعاتىن بەلگٸسٸ جەنە بايراعى, «التىن قىران» وردەنٸ تاپسىرىلدى, دەپ حابارلايدى "ۇلت اقپارات".
«قر كونستيتۋتسيياسىنىڭ 48-بابىنا سەيكەس, سٸزگە پرەزيدەنت كۋەلٸگٸن, ومىراۋعا تاعاتىن بەلگٸسٸن جەنە بايراعىن, «التىن قىران» وردەنٸن تاپسىرۋعا رۇقسات ەتٸڭٸز», - دەدٸ قر پارلامەنتٸ پالاتالارىنىڭ بٸرلەسكەن وتىرىسىندا قازاقستان رەسپۋبليكاسى ورتالىق سايلاۋ كوميسسيياسىنىڭ تٶراعاسى بەرٸك يماشەۆ.
سودان كەيٸن قاسىم-جومارت توقاەۆ قازاقستان پرەزيدەنتٸ رەتٸندە العاشقى سٶزٸن سٶيلەدٸ
"اسا قادٸرلٸ ەلباسى, قۇرمەتتٸ پارلامەنت دەپۋتاتتارى, ٷكٸمەت مٷشەلەرٸ, قۇرمەتتٸ وتانداستار! كەشە ناۋرىزدىڭ 19 ناۋرىز بارشا ەلەم جۇرتشىلىعى اسا ماڭىزدى تاريحي وقيعاعا كۋە بولدى. قازاق مەملەكەتتٸلٸگٸنٸڭ نەگٸزٸن قالاۋشى, ۇلى تۇلعا, قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ٶز ەركٸمەن مەملەكەت باسشىسى ٶكٸلەتتٸگٸن تاپسىردى. ەلباسىنىڭ بۇل جٸگەرلٸ شەشٸمٸ ونىڭ جاھاندىق دەڭگەيدەگٸ جەنە تاريحي اۋقىمداعى ساياسي قايراتكەر رەتٸندە ۇلىلىعىن كٶرسەتتٸ", - دەدٸ توقاەۆ.
ول قازاقستاننىڭ جەتٸستٸكتەرٸ تۇڭعىش پرەزيدەنت نۇرسۇلتان نازارباەۆتىڭ قاجىرلى ەڭبەگٸنٸڭ ارقاسىندا مٷمكٸن بولعانىن ايتتى.
"ەلباسى كەڭەس وداعىنىڭ كٷيرەگەن قالدىقتارىنان قالعان اسا كٷردەلٸ گەوساياي جاعدايدا جاڭا مەملەكەتتٸڭ ٸرگەسٸن قالادى جەنە ونىڭ كٶشٸن باستادى. كٶپتەگەن تەرٸس بولجامدارعا قاراماستان, مەملەكەتتٸ بارشا ەلەم مويىنداعان تابىستارعا جەتكٸزدٸ. دٷنيەجٷزٸ كارتاسىندا قارقىندى دامۋ, دەموكراتييا, كەلٸسٸم مەن بەيبٸت ٶمٸردٸڭ شىنايى سيمۆولىنا اينالعان مەملەكەت پايدا بولدى", - دەدٸ جاڭا پرەزيدەنت.
سونىمەن قاتار, توقاەۆ ەلباسى قازاقستان تاريحىندا تۇڭعىش رەت جاڭا مەملەكەتتٸك ينستيتۋتتاردىڭ نەگٸزٸن سالعانىن ەسكە سالدى. ولاردىڭ قاتارىندا پرەزيدەنتتٸك ينستيتۋت, قوس پالاتالى پارلامەنت, مەملەكەتتٸك قىزمەت, قارۋلى كٷشتەر, ديپلوماتييالىق قىزمەت, سونداي-اق ازاماتتىق قوعام ينستيتۋتتارى بار.
