Memleket basshysy Qasym-Jomart Toqaev Túrikmenstan Prezidenti Gýrbangýly Berdimuhamedovpen telefon arqyly sóilesti. "Ult aqparat" bul týraly Aqordaǵa silteme jasap habarlaidy.
Qasym-Jomart Toqaev Gýrbangýly Berdimuhamedovti 63 jasqa tolǵan týǵan kúnimen quttyqtap, baýyrlas Túrikmenstan halqynyń igiligi jolynda atqaryp jatqan jaýapty memlekettik qyzmetine tabys tiledi.
Áńgimelesý barysynda memleketter basshylary eki el arasyndaǵy qarym-qatynasty joǵary deńgeide nyǵaita berýge beiildi ekenin naqtylady. Sonymen qatar strategiialyq seriktestikti damytýǵa, ásirese, saýda-ekonomika salasyndaǵy yntymaqtastyqty arttyrýǵa ońtaily jaǵdai jasalǵanyn atap ótti.
Qasym-Jomart Toqaev Gýrbangýly Berdimuhamedovke Qazaqstannyń Tuńǵysh Prezidenti – Elbasy Nursultan Nazarbaevqa qoldaý kórsetip, jedelhat joldaǵany úshin rizashylyq bildirdi.
