Foto: Akorda.kz
Qytai Halyq Respýblikasyna memlekettik saparmen kelgen Prezident Qasym-Jomart Toqaev QHR Tóraǵasy Si Tszinpinmen kelissóz júrgizdi, dep habarlaidy "Ult aqparat" Aqordanyń resmi saityna silteme jasap.
Memleket basshysy Qasym-Jomart Toqaevty Qurmet qaraýyly saltanatpen sap túzep qarsy aldy. Sodan keiin eki el basshylary bir-birine iltipat bildirip, kelissóz zalyna qarai ótti.
Qasym-Jomart Toqaev, eń aldymen, memlekettik saparmen kelýge shaqyryp, qurmetpen qarsy alǵany úshin QHR Tóraǵasy Si Tszinpinge shynaiy rizashylyǵyn bildirdi. Sondai-aq ony Qytai Halyq Respýblikasynyń Tóraǵasy laýazymyna qaita sailanýymen quttyqtady.
– Qazaqstan úshin Qytai Halyq Respýblikasynyń orny – erekshe. Bizdiń yntymaqtastyǵymyz myzǵymas dostyqqa jáne ózara qoldaýǵa negizdelgen. Ekijaqty qarym-qatynasty jandandyrý jolyndaǵy maqsatymyz – ortaq. Aimaqtyq jáne halyqaralyq qaýipsizdikti, ózara yqpaldastyqty nyǵaitýdy kózdeitin muratymyz da – bir. Biz úshin Qytaimen máńgilik ári jan-jaqty strategiialyq áriptestikti odan ári damytý óte mańyzdy, – dedi Memleket basshysy.
Memleket basshysy Qasym-Jomart Toqaev QHR Tóraǵasy Si Tszinpinniń ózara qarym-qatynasty damytýǵa qosqan ólsheýsiz úlesin joǵary baǵalaitynyn jetkizdi. Sondai-aq eki eldiń yntymaqtastyǵyn jańa beleske kóterý úshin bar kúsh-jigerin jumyldyrýǵa daiyn ekenin atap ótip, búgingi kelissózder ekijaqty yqpaldastyqqa tyń serpin beretinine senim bildirdi.
Óz kezeginde QHR Tóraǵasy Si Tszinpin Qasym-Jomart Toqaevqa qonaqjailyq iltipat bildirip, 70 jas mereitoiymen quttyqtady.
– Osyndai aitýly kúni Siz Qytaiǵa memlekettik saparmen kelip otyrsyz. Bul bizdiń ekijaqty yntymaqtastyǵymyzdyń joǵary deńgeide ekenin kórsetedi jáne Qytaimen tyǵyz bailanystaryńyzdy taǵy da rastaidy. Qytai men Qazaqstan qytai-qazaq qatynastarynyń jańa «altyn 30 jyldyǵyna» qadam basty. Bizdiń elderimiz dostyq, ózara qoldaý dástúrin damytyp, tiimdi yntymaqtastyqty tereńdetýi qajet, – dedi QHR Tóraǵasy.
Kezdesý barysynda taraptar eki eldiń saýda-ekonomika, munai-gaz, munai himiiasy, energetika, bilim jáne ǵylym, qarjy salalaryndaǵy jan-jaqty yntymaqtastyǵyn damytý, kólik-tranzit áleýetin arttyrý máselelerin talqylady. Sondai-aq olar halyqaralyq jáne óńirlik kún tártibindegi máseleler jóninde pikir almasty.
Kelissózderden keiin Qasym-Jomart Toqaev pen Si Tszinpin Birlesken málimdemege qol qoidy. Sondai-aq eki el delegatsiiasy músheleriniń birqatar mańyzdy qujatqa qol qoiý rásimi ótti.
Qazaqstan Respýblikasynyń Prezidenti Qasym-Jomart Toqaevtyń Qytai Halyq Respýblikasyna memlekettik sapary aiasynda mynadai qujattarǵa qol qoiyldy:
1. Qazaqstan Respýblikasy jáne Qytai Halyq Respýblikasy basshylarynyń Birlesken málimdemesi;
2. Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy Transkaspii halyqaralyq kólik baǵytyn damytý jónindegi memorandým;
3. Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy tehnikalyq-ekonomikalyq yntymaqtastyq týraly memorandým;
4. Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy indýstriialandyrý jáne investitsiialyq yntymaqtastyq jospary;
5. Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy vizalyq talaptardan ózara bosatý týraly kelisim;
6. Qazaqstan Respýblikasynyń Úkimeti men Qytai Halyq Respýblikasynyń Úkimeti arasyndaǵy halyqaralyq avtomobil tasymaldary týraly kelisim;
7. Qazaqstan Respýblikasynyń Aýyl sharýashylyǵy ministrligi men Qytai Halyq Respýblikasynyń Bas keden basqarmasy arasyndaǵy QR-dan QHR-ǵa kúnbaǵys, maqsary, soia jáne zyǵyr tuqymynyń shrotyn (kúnjara) eksporttaýǵa qoiylatyn sanitariialyq jáne fitosanitariialyq talaptar jónindegi hattama;
8. Qazaqstan Respýblikasynyń Aýyl sharýashylyǵy ministrligi men Qytai Halyq Respýblikasynyń Bas keden basqarmasy arasyndaǵy QR-dan QHR-ǵa eksporttalatyn burshaq pen jasymyq partiialaryna qoiylatyn inspektsiialyq jáne karantindik talaptar jónindegi hattama;
9. Qazaqstan Respýblikasynyń Aýyl sharýashylyǵy ministrligi men Qytai Halyq Respýblikasynyń Bas keden basqarmasy arasyndaǵy QR-dan QHR-ǵa sý ónimderin eksporttaý jónindegi hattama;
10. Qazaqstan Respýblikasynyń Indýstriia jáne infraqurylymdyq damý ministrligi men Qytai Halyq Respýblikasynyń Damý jáne reformalar jónindegi memlekettik komiteti arasyndaǵy Qazaqstan men Qytai arasyndaǵy úshinshi transshekaralyq temirjoldy birlesip iske asyrýdy aldyn ala qaraý týraly ózara túsinistik týraly memorandým;
11. Qazaqstan Respýblikasynyń Mádeniet jáne sport ministrligi men Qytai Halyq Respýblikasynyń Mádeniet jáne týrizm ministrligi arasyndaǵy mádeni ortalyqtar qurý jónindegi nieti týraly memorandým;
12. Qazaqstan Respýblikasynyń Saýda jáne integratsiia ministrligi men Qytai Halyq Respýblikasynyń Kommertsiia ministrligi arasyndaǵy saýda-ekonomikalyq zertteýler salasyndaǵy ózara túsinistik týraly memorandým;
13. Qazaqstan standarttaý jáne metrologiia institýty men Qytai Halyq Respýblikasynyń Standarttaý basqarmasy arasyndaǵy ózara túsinistik týraly memorandým.
14. QR Shyǵys Qazaqstan oblysynyń ákimdigi men QHR Tiantszin qalasynyń Halyq Úkimeti arasynda Qazaqstanda «Lý Ban sheberhanasyn» qurý týraly kelisim;
15. QR Shymkent qalasy men QHR Sian qalasy arasynda baýyrlastyq bailanystar ornatý týraly kelisim;
16. QR Soltústik Qazaqstan oblysy men QHR Shensi provintsiiasy arasynda baýyrlastyq bailanystar/qatynastar ornatý týraly kelisim;
17. Ál-Farabi atyndaǵy Qazaq ulttyq ýnivesiteti men Sian Soltústik-Batys politehnikalyq ýniversiteti arasyndaǵy QazUÝ janynan SSBPÝ filialyn ashý týraly kelisim;
18. Qazaqstan Respýblikasy Energetika ministrligi men Qytai Halyq Respýblikasy Energetika isteri jónindegi memlekettik basqarý arasyndaǵy energetika salasyndaǵy yntymaqtastyq týraly memorandým;
19. Qazaqstan Respýblikasy Energetika ministrligi men «Qytai ulttyq munai-gaz korporatsiiasy» arasyndaǵy qazaq-qytai strategiialyq energetikalyq yntymaqtastyǵyn keńeitý týraly negizdemelik kelisim;
20. Qazaqstan Respýblikasy Tehnikalyq retteý jáne metrologiia komiteti men QHR Standarttaý basqarmasy arasyndaǵy memorandým;
21. «Habar» Agenttigi» AQ men Qytai Media korporatsiiasy (CMG) arasyndaǵy yntymaqtastyq týraly memorandým;
22. Ál-Farabi atyndaǵy Qazaq ulttyq ýniversiteti men Qytai munai ýniversiteti arasyndaǵy yntymaqtastyq ornatý týraly kelisim;
23. S.Seifýllin atyndaǵy Qazaq agrotehnikalyq ýniversiteti men Qytai Soltústik-Batys aýyl jáne orman sharýashylyqtary ýniversiteti arasyndaǵy yntymaqtastyq týraly kelisim.
