Qasym-Jomart Toqaev pen Angela Merkel kelissóz júrgizdi, dep habarlaidy "Ult aqparat" Aqordaǵa silteme jasap.
Qazaqstan Prezidentin resmi qarsy alý rásimi Federaldyq kantslerdiń vedomstvolyq ǵimaratynyń aldynda ótti. Qazaqstannyń, Germaniianyń jáne Eýropalyq Odaqtyń týlary kóterilip, Býndesverdiń bas orkestri eki memlekettiń ánurandaryn oryndady.
Qasym-Jomart Toqaev pen Angela Merkel Qurmet qaraýylyn aralap shyqty. Sodan keiin eki eldiń resmi delegatsiiasynyń quramy tanystyryldy.
Saltanatty rásimniń sońynda Qazaqstan Prezidenti men Germaniia Kantsleri keńeitilgen quramda kelissózder ótkizdi.
Kelissózder barysynda ekijaqty bailanystardy jandandyrýǵa jáne strategiialyq ekonomikalyq seriktestik ornatý perspektivalaryna basa mán berildi.
Sondai aq bilim, ǵylym jáne mádeniet salalaryndaǵy ózara yqpaldastyq máselesi sóz boldy.
Aita keterligi, búgin Qasym-Jomart Toqaev FRG Prezidenti Frank-Valter Shtainmaiermen, Germaniianyń eks-kantsleri Gerhard Shredermen jáne nemis biznesiniń jetekshi ókilderimen de kezdesedi. Qazaqstan Prezidentiniń saparynyń alǵashqy kúniniń resmi baǵdarlamasy Germaniianyń isker toptarymen birlesken túski aspen aiaqtalady.
Qazaqstan - Germaniianyń Ortalyq Aziiadaǵy negizgi seriktesi. Osy aimaqta jasalǵan saýda operatsiialarynyń 85 paiyzy - bizdiń elimizge tiesili. Osy jyldyń toǵyz aiynda QR men Germaniia arasyndaǵy taýar ainalymy 1,3 mlrd dollardy qurady.
Germaniiadan Qazaqstanǵa 2005 jyldan bastap osy jyldyń 2-shi toqsanyna deiingi jalpy tikelei investitsiiasy 5,2 mlrd dollarǵa jetip otyr. Germaniia ekonomikasynyń Qazaqstan ekonomikasyna salǵan investitsiialarynyń 90 paiyzdan astamy shikizattan tys sektorǵa tiesili.
