قاسىم-جومارت توقاەۆ پەن انگەلا مەركەل كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸن رەسمي قارسى الۋ رەسٸمٸ فەدەرالدىق كانتسلەردٸڭ ۆەدومستۆولىق عيماراتىنىڭ الدىندا ٶتتٸ. قازاقستاننىڭ, گەرمانييانىڭ جەنە ەۋروپالىق وداقتىڭ تۋلارى كٶتەرٸلٸپ, بۋندەسۆەردٸڭ باس وركەسترٸ ەكٸ مەملەكەتتٸڭ ەنۇراندارىن ورىندادى.
قاسىم-جومارت توقاەۆ پەن انگەلا مەركەل قۇرمەت قاراۋىلىن ارالاپ شىقتى. سودان كەيٸن ەكٸ ەلدٸڭ رەسمي دەلەگاتسيياسىنىڭ قۇرامى تانىستىرىلدى.
سالتاناتتى رەسٸمنٸڭ سوڭىندا قازاقستان پرەزيدەنتٸ مەن گەرمانييا كانتسلەرٸ كەڭەيتٸلگەن قۇرامدا كەلٸسسٶزدەر ٶتكٸزدٸ.
كەلٸسسٶزدەر بارىسىندا ەكٸجاقتى بايلانىستاردى جانداندىرۋعا جەنە ستراتەگييالىق ەكونوميكالىق سەرٸكتەستٸك ورناتۋ پەرسپەكتيۆالارىنا باسا مەن بەرٸلدٸ.
سونداي اق بٸلٸم, عىلىم جەنە مەدەنيەت سالالارىنداعى ٶزارا ىقپالداستىق مەسەلەسٸ سٶز بولدى.
ايتا كەتەرلٸگٸ, بٷگٸن قاسىم-جومارت توقاەۆ فرگ پرەزيدەنتٸ فرانك-ۆالتەر شتاينمايەرمەن, گەرمانييانىڭ ەكس-كانتسلەرٸ گەرحارد شرەدەرمەن جەنە نەمٸس بيزنەسٸنٸڭ جەتەكشٸ ٶكٸلدەرٸمەن دە كەزدەسەدٸ. قازاقستان پرەزيدەنتٸنٸڭ ساپارىنىڭ العاشقى كٷنٸنٸڭ رەسمي باعدارلاماسى گەرمانييانىڭ ٸسكەر توپتارىمەن بٸرلەسكەن تٷسكٸ اسپەن اياقتالادى.
قازاقستان - گەرمانييانىڭ ورتالىق ازيياداعى نەگٸزگٸ سەرٸكتەسٸ. وسى ايماقتا جاسالعان ساۋدا وپەراتسييالارىنىڭ 85 پايىزى - بٸزدٸڭ ەلٸمٸزگە تيەسٸلٸ. وسى جىلدىڭ توعىز ايىندا قر مەن گەرمانييا اراسىنداعى تاۋار اينالىمى 1,3 ملرد دوللاردى قۇرادى.
گەرمانييادان قازاقستانعا 2005 جىلدان باستاپ وسى جىلدىڭ 2-شٸ توقسانىنا دەيٸنگٸ جالپى تٸكەلەي ينۆەستيتسيياسى 5,2 ملرد دوللارعا جەتٸپ وتىر. گەرمانييا ەكونوميكاسىنىڭ قازاقستان ەكونوميكاسىنا سالعان ينۆەستيتسييالارىنىڭ 90 پايىزدان استامى شيكٸزاتتان تىس سەكتورعا تيەسٸلٸ.
