Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti, dep habarlaidy Aqorda.
Qazaqstan men Ózbekstan Prezidentteri ártúrli salalardaǵy ekijaqty yntymaqtastyqtyń damýyna qanaǵattanatyndaryn aitty. Áńgimelesý barysynda jaqyn jyldary atqarylatyn birlesken jobalar talqylandy.
Memleket basshylary Ortalyq Aziiadaǵy ahýaldy talqylaý kezinde óńirdegi turaqtylyq pen qaýipsizdikti qamtamasyz etýde birlesip jumys isteýge ýaǵdalasty. Qazaqstan men Ózbekstan qyrǵyz halqyna ekonomikalyq jáne gýmanitarlyq kómek kórsetedi.
Sonymen qatar, Qasym-Jomart Toqaev pen Shavkat Mirziioev 10 qarasha kúni Reseidiń tóraǵalyǵymen ótken Shanhai yntymaqtastyq uiymy sammitiniń nátijelerin joǵary baǵalady.
