Foto: Aqorda
Prezident «Ortalyq Aziia – Eýropa odaǵy» sammitine qatysyp, saýda jáne eksport, energetika, halyqaralyq qatynastar jáne t.b. taqyryptarda sóz sóiledi, dep habarlaidy Ult.kz.
Memleket basshysynyń sóilegen sózinen:
Saýda jáne eksport
- Qazaqstan EO naryǵyna jalpy quny 2 milliard dollardan asatyn 175 taýar túriniń eksportyn ulǵaitýǵa daiyn;
- Eýropa Odaǵy shetelden importtaityn munaidyń 13 paiyzǵa jýyǵy bizdiń elimizge tiesili. Onyń basym bóligi Kaspii qubyr konsortsiýmy (KQK) arqyly tasymaldanady;
- Eýropa Odaǵy atalǵan konsortsiýmnyń turaqty ári uzaq merzimdi jumys isteýine qoldaý bildirip otyr. Qazaqstan muny joǵary baǵalaidy jáne shikizat tasymaldaýdyń balama joldaryn da damytady.
Energetika jáne tasymal
- Total, Eni, Svevind sekildi burynnan kele jatqan seriktesterimizben jáne basqa da eýropalyq kompaniialarmen jańartylatyn energiia kózderi jáne «jasyl» sýtegi óndirisi jobalary qolǵa alyndy;
- Qazaqstan Ózbekstan jáne Ázerbaijanmen birlesip, «jasyl» energiiany Kaspii teńizi arqyly Eýropa naryǵyna jetkizetin elektr jelisin salý boiynsha iri jobany bastady;
- Qazaqstanda Eýropa Odaǵy ekonomikasyna qajetti 34 shikizattyń 19 túri óndiriledi. Onyń qatarynda ýran, titan, mys, litii, kobalt, volfram jáne basqa da kóptegen elementter bar;
- Elimiz EQDB bankimen aradaǵy kelisim boiynsha geologiialyq barlaý salasynda birlesken jobalardy iske asyryp, ken igerýdiń ozyq tájiribesin engizip jatyr;
- Byltyr Transkaspii halyqaralyq kólik dálizimen konteiner arqyly tasymaldanǵan júk kólemi 62 paiyzǵa artyp, 4,5 million tonnany quraǵan. Maqsat – 2027 jylǵa qarai bul kórsetkishti 10 million tonnaǵa deiin jetkizý;
- Qazaqstan álemdegi iadrolyq otynnyń 40 paiyzǵa jýyǵyn qamtamasyz etý arqyly taza energiia óndirisinde mańyzdy ról atqarady.
Tehnologiia jáne innovatsiia
- Jyl basynda Qazaqstanda Prezident janyndaǵy Jasandy intellekt boiynsha halyqaralyq konsýltativtik keńestiń negizi qalandy;
- 100 myń joǵary bilikti IT-maman daiarlaýdy kózdeitin aýqymdy baǵdarlama júzege asyrylyp jatyr;
- Astanada AlemAi joǵary tehnologiialar ortalyǵy qurylýda;
- Prezident Astana Hub bazasynda «Ortalyq Aziia – Eýropa Odaǵy» innovatsiialyq kampýsyn ashýdy usyndy.
Ǵylym jáne bilim
- Prezident Sirek kezdesetin metaldardy zertteitin aimaqtyq ortalyq qurýdy usyndy;
- Jasandy intellekt, sý resýrstaryn basqarý, biotehnologiia sekildi mańyzdy salalarda maman daiarlaýǵa erekshe basymdyq beretin «Ortalyq Aziiaǵa arnalǵan Erasmus+» baǵdarlamasyn ázirleý jóninde bastama kóterildi.
Halyqaralyq saiasat jáne qaýipsizdik
- Jahandyq turaqsyzdyq jaǵdaiynda álemde bolyp jatqan kúrdeli oqiǵalarǵa baǵa berýde barynsha ustamdylyq pen jaýapkershilik tanytý kerek;
- Barlyq eldi BUU Jarǵysy men jalpyǵa ortaq halyqaralyq quqyq qaǵidalaryn múltiksiz saqtaý úshin barynsha kúsh-jiger jumyldyrýǵa, sondai-aq Bas hatshy Antoniý Gýterrishtiń qyzmetine qoldaý bildirýge úndedi.
- BUU-nyń qurylǵanyna 80 jyl tolǵan sátte munyń ózektiligi arta túsedi.
- Qazaqstan kez kelgen qaqtyǵystyń beibit jolmen sheshilýin jaqtaidy. Sondyqtan Ýkrainaǵa qatysty kelissózderdiń bastalýyn quptaidy. Máseleniń kúrdeli ekenine qaramastan, shielenistiń oń sheshimin tabatynyna senim artady.
