Prezident Qasym-Jomart Toqaev Qazaqstannyń halyq jazýshysy, Memlekettik syilyqtyń laýreaty, qazaq ádebietiniń asa kórnekti ókili Muhtar Maǵaýindi 80 jasqa tolǵan mereitoiymen quttyqtap, izgi tilegin arnap, jedelhat joldady.
Bul týraly QR Prezidentiniń baspasóz hatshysy Berik Ýáli Facebook-tegi paraqshasynda jazdy.
Memleket basshysy jazýshynyń ádebiet pen ǵylymdaǵy eńbegin erekshe atap ótip, «Siz kórnekti jazýshy ári zerdeli zertteýshi retinde tól ádebietimizdiń damýyna zor úles qostyńyz. Qalamyńyzdan týǵan ár shyǵarmańyzda ulttyq rýh pen eldik múdde aiqyn kórinis tapty. Handyq dáýirdegi aqyn-jyraýlarymyzdyń mol murasyn jańǵyrtqan «Qobyz saryny» atty ǵylymi eńbegińiz sóz óneriniń tuǵyryn odan ári biiktete tústi. Áigili «Alasapyran» romany búginde ádebietimiz ben tarihymyzdyń qymbat qazynasyna ainaldy. Tartymdy týyndylaryńyz arqyly qalyń oqyrmannyń ystyq yqylasyna bólenip kelesiz» dep baǵalady.
«Ultty uiystyrý jáne táýelsizdigimizdi nyǵaitý jolyndaǵy eseli eńbegińiz – óskeleń urpaq úshin úlgi-ónege. Árdaiym mereiińiz ústem bolsyn! Sizge zor densaýlyq, otbasyńyzǵa baq-bereke jáne shyǵarmashylyq tabys tileimin!» delingen jedelhatta.
