Aqiyq aqyn Muqaǵali Maqataevtyń 90 jyldyq mereitoiy Táýelsizdiktiń 30 jyldyǵymen tuspa-tus kelip otyr. Bul týraly Qazaqstan prezidenti Qasym-Jomart Toqaev Twitter-degi paraqshasynda jazdy.
«Búgin – aqiyq aqyn Muqaǵali Maqataevtyń týǵanyna 90 jyl. Muqaǵali poeziiasy – kúlli qazaqtyń bolmys-bitimi. Onyń syrly sezimge toly jyrlary qalyń oqyrmannyń júreginen oryn aldy. Aqyn mereitoiy Táýelsizdigimizdiń 30 jyldyǵymen tuspa-tus kelip otyr. Bul – ár qazaqtyń shańyraǵyndaǵy mereili toi» delingen habarlamada.
Muqaǵali (Muhamedqali) Súleimenuly Maqataev Almaty oblysy Raiymbek aýdany Qarasaz aýylynda 1931 jyly 9 aqpanda dúniege kelgen. Aqynnyń azan qoiyp shaqyrǵan aty — Muhametqali. Biraq ata-anasy paiǵambar atymen júrý aýyr tiedi dep sábi kúninen "Muqaǵali" dep erkeletken.
Muqaǵali Maqataevtyń alǵashqy jyr jinaǵy 33 jasynda shyqqan. Budan keiin 1964-76 jyldar aralyǵynda segiz jyr jinaǵy jaryq kóredi. Búginde aqynnan 1 000-nan astam óleń men poema qaldy. Aqynnyń "Qyrman basynda", "Qoishy bala — Ákitai" óleńderi 1949 jyly "Sovettik shekara" gazetinde basylyp shyqty. Budan keiin 1951 jyly "Inimniń oiy", "Sheber" óleńderi "Jastyq jyry" atty jinaqqa endi.
Muqaǵali Maqataev poema men poeziiadan bólek, aýdarma da jasaǵan.
Aqyn 1976 jyldyń 27 naýryzynda baýyr tsirrozy aýrýynan kóz jumdy.
